पाकिस्तानमाथि बङ्गलादेशको ऐतिहासिक 'क्लिन स्वीप'

भदौ १८, २०८१ मंगलबार १६:२१:१३ | उज्यालो सहकर्मी

काठमाण्डाै – बङ्गलादेशले पाकिस्तानसँगको दुई खेलको टेस्ट शृङ्खलामा ऐतिहासिक 'क्लिन स्वीप' गरेको छ ।

पाकिस्तानले दिएको १ सय ८५ रनको लक्ष्य खेलको पाँचौं दिनमा ४ विकेट गुमाएर पूरा गर्दै बङ्गलादेशले इतिहास रचेको हो । बङ्गलादेशका जाकिर हसनले सबैभन्दा धेरै ४० रन बनाए । बलिङतर्फ पाकिस्तानका मिर हम्जा, खुर्रम शहजाद, अब्रार अहमद र अघा सलमानले समान १ विकेट लिए ।

घरेलु टोली पाकिस्तान दोस्रो पारीमा १ सय ७२ रनमा अल आउट भएको थियो । उसका अघा सलमानले नट आउट ४७ र मोहम्मद रिजवानले ४३ रन बनाएका थिए । बलिङतर्फ बङ्गलादेशका हसन महमुदले ५ र नहिद रानाले ४ विकेट लिए ।

यसैगरी पाकिस्तानले पहिलो पारीमा सइम अयुब, शन मसूद र अघा सलमानको अर्धशतकमा २ सय ७४ रन बनाएको थियो । बलिङतर्फ बङ्गलादेशका मेहदी हसन मिराजले ५ र तस्किन अहमदले ३ विकेट लिए ।

बङ्गलादेशले पहिलो पारीमा लिटन दासको शतक र मेहदी हसनको अर्धशतकको मद्दतमा २ सय ६२ रन बनाएको थियो । बलिङतर्फ पाकिस्तानका खुर्रम शहजादले ६ विकेट लिएका थिए ।

पहिलो टेस्टमा बङ्गलादेशले पाकिस्तानलाई १० विकेटले हराउँदै इतिहास रचेको थियो । टेस्ट क्रिकेटमा बङ्गलादेशले पाकिस्तानलाई पहिलो पटक हराएको थियो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पाकिस्तानमाथि बङ्गलादेशको ऐतिहासिक 'क्लिन स्वीप'

तस्बिर : एजेन्सी

तपाईको प्रतिक्रिया