श्रीलङ्काले २०२५ काे फेब्रुअरीसम्ममा गाडीको आयातमा प्रतिबन्ध हटाउने

भदौ ३०, २०८१ आइतबार ९:१५:३४ | एजेन्सी

श्रीलङ्काले आउँदो वर्ष २०२५ को फेब्रुअरीसम्ममा चरणबद्ध रूपमा सबै गाडीको आयातमा प्रतिबन्ध हटाउने भएको छ । राष्ट्रपति रनिल विक्रमासिङ्घेको कार्यालयले विज्ञप्ति निकालेर अर्थतन्त्रलाई सामान्य अवस्थामा फर्काउने प्रयासको एक हिस्साका रूपमा गाडीको आयातमा प्रतिबन्ध हटाउन लागेको जानकारी दिएको भारतीय अनलाइन पत्रिका ‘द प्रिन्ट’ ले जनाएको छ ।

अन्तर्राष्ट्रिय मुद्रा कोष (आईएमएफ) को विस्तारित कोष सुविधा (ईएपएफ) कार्यक्रमसँग जोडिएको आर्थिक सुधार रणनीतिअनुसार आउँदो अक्टोबर १ देखि तीन वटा चरणमा प्रतिबन्ध हटाइने छ ।

तीव्र आर्थिक सङ्कटको समयमा देशको विदेशी मुद्रा सञ्चितिलाई जोगाउन लगाएको चार वर्षको ‘कडा आयात प्रतिबन्ध’ पछि गाडीको आयातलाई अनुमति दिने मन्त्रिपरिषद्ले स्वीकृति दिएको खबरमा उल्लेख छ । विदेशी मुद्रा सञ्चितिमा उल्लेख्य सुधार र रुपैयाँको सुदृढतासँगै मन्त्रिपरिषद्ले आउँदो वर्षको फेब्रुअरीसम्ममा गाडी आयातमा लागेका सबै प्रतिबन्ध हटाउने निर्णय गरेको विदेशमन्त्री अली साब्रीले जानकारी दिनुभएको छ ।

कोभिड–१९ सङ्क्रमणसँगै श्रीलङ्काले विदेशी मुद्रा सञ्चिति जोगाउन आयात प्रतिबन्ध लगाएको छ । त्यसपछि घट्दो वैदेशिक सञ्चितिलाई श्रीलङ्काले औषधि, इनधन र खाद्यान्न जस्ता अत्यावश्यक आयातका लागि खर्च गर्दै आएको थियो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

श्रीलङ्काले २०२५ काे फेब्रुअरीसम्ममा गाडीको आयातमा प्रतिबन्ध हटाउने

तस्बिर : एजेन्सी

तपाईको प्रतिक्रिया