इजरायलको अन्धाधुन्ध आक्रमणपछि लेबनानको अवस्था नाजुक बन्दै

असोज १३, २०८१ आइतबार १८:२९:२० | उज्यालो सहकर्मी

विश्व खाद्य कार्यक्रम (डब्ल्यूएफपी) ले लेबनानमा चलिरहेको द्वन्द्वबाट प्रभावित १० लाख मानिसलाई खाना उपलब्ध गराउन आपत्कालीन अभियान सञ्चालन गरेको जनाएको छ ।

डब्ल्यूएफपीले विज्ञप्ति निकालेर देशभरका आश्रयस्थलहरूमा खाद्यान्न, रोटी, ताजा खाना र तयारी खानाका पोकाहरू वितरण गरिरहेको जनाएको हो । लेबनानको राजधानी बेरुतमा इजरायलले गरेको व्यापक बमबारीपछि अवस्था चिन्ताजनक रहेको छ । लेबनानका लागि डब्ल्यूएफपीका निर्देशक म्याथ्यु होलिङवर्थले अन्तर्राष्ट्रिय समुदायलाई १० करोड ५० लाख अमेरिकी डलर परिचालन गर्न आग्रह गरिएको पनि बताउनुभएको छ ।

अस्ति इजरायलको आक्रमणमा हिजबुल्लाहका प्रमुख हसन नसरल्लाहको ज्यान गएपछि अवस्था तनावपूर्ण बनेको छ । इरान समर्थित नेता नसरल्लाहको ज्यान गएपछि अब इरान पनि युद्धमा जोडिन सक्ने भन्दै चौतर्फी डर छाएको खबरमा उल्लेख छ ।

यस्तै इजरायलले अहिलेसम्म लेबनानमा हवाई र मिसाइल आक्रमण गरेकोमा अब जमिनबाटै पनि आक्रमण गर्ने तयारी गरिरहेको छ । लेबनान प्रवेशका लागि इजरायलले सयौं ट्याङ्क र हजारौं हतियार तयारी अवस्थामा राखेको छ ।

अन्तिम अपडेट: पुस ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

इजरायलको अन्धाधुन्ध आक्रमणपछि लेबनानको अवस्था नाजुक बन्दै

तस्वीर : राेयटर्स

तपाईको प्रतिक्रिया