इजरायलले लेबनानमा शान्ति सैनिकमाथि गरेको आक्रमणको ४० वटा देशद्वारा निन्दा

असोज २७, २०८१ आइतबार १५:४८:५० | एजेन्सी

संयुक्त राष्ट्रसङ्घीय शान्ति सेनामा योगदान गर्ने ४० वटा देशहरूले इजरायलले लेबनानमा शान्ति सैनिकमाथि गरेको आक्रमणको निन्दा गरेका छन् । इजरायलले लेबनानमा खटिएका शान्ति सैनिकमाथि गोली चलाउँदा पाँच जना घाइते भएका छन् । इजरायली आक्रमणको संयुक्त राष्ट्रसङ्घले गरेको कडा निन्दालाई ४० वटा देशले पनि समर्थन गरेका छन् ।

पोल्याण्डको संयुक्त राष्ट्रसङ्घीय मिसनले यस्ता कार्यहरू तुरुन्तै रोक्न र पर्याप्त अनुसन्धान गर्न माग गरेका छन् । इन्डोनेसिया, इटाली र भारत लगायतका राष्ट्रहरूले पनि संयुक्त वक्तव्यमा निकालेर शान्ति सैनिकमाथि इजरायली हमलाको विरोध गरेका छन् ।

शान्ति सैनिकमा योगदान गरेका नेपाल, घाना, मलेसिया, स्पेन, फ्रान्स र चीनले पनि इजरायलले अन्तर्राष्ट्रिय कानुन र मुल्य मान्यता तोडेको भन्दै निन्दा गरेका छन् । इजरायलले दक्षिणी लेबनानमा हिजबुल्लाहविरुद्धको लडाइका क्रममा कम्तीमा पाँच जना शान्ति सैनिक घाइते भएका छन् । संयुक्त राष्ट्रसङ्घको शान्ति मिसन युनिफिलले इजरायली सेनाले जानबुझ गरेर गोली चलाएको आरोप लगाएको छ ।

सन् २००६ मा इजरायल र हिजबुल्लाहबीच ३३ दिनसम्म चलेको युद्धको अन्त्य भएपछि युद्धविरामको अनुगमन गर्ने जिम्मेवारी युनिफिलको छ । जसमा लेबनानी सेना र संयुक्त राष्ट्र शान्ति सेनालाई मात्र दक्षिण लेबनानमा तैनाथ गर्नु पर्ने उल्लेख रहेकोमा अहिले इजरायलले पनि लेबनानमा सैन्य हस्तक्षेप गरेको छ ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

इजरायलले लेबनानमा शान्ति सैनिकमाथि गरेको आक्रमणको ४० वटा देशद्वारा निन्दा

तस्बिर : एजेन्सी

तपाईको प्रतिक्रिया