नेपाली कांग्रेसको प्रस्तावित विधान मस्यौदामाथि छलफल सुरु

मंसिर १३, २०७५ बिहीबार १९:७:३४ | उज्यालो सहकर्मी

काठमाडौं – नेपाली कांग्रेसको प्रस्तावित विधान मस्यौदामाथि आजदेखि छलफल सुरु भएको छ ।

लामो समयदेखि विवादमै रहँदै आएको विधानको मस्यौदामाथि आजबाट केन्द्रीय समितिको बैठकमा छलफल सुरु भएको हो ।

आजबाट सुरु भएको छलफलको पहिलो दिन पाँच जना केन्द्रीय सदस्यहरुले विधानमाथि उठेका असहमतिका बुँदाहरुका बारेमा आ–आफ्नो धारणा राखेका छन् ।
आज पहिलो दिन पाँच जना केन्द्रीय सदस्यले आफ्नो धारणा राखेपछि बैठक अर्को शुक्रबारसम्मका लागि स्थगित भएको छ । आजको बैठकमा केन्द्रीय सदस्यहरु डा. रामशरण महत, महेश आचार्य, दिलेन्द्रप्रसाद बडू, नविन्द्रराज जोशी र प्रदिप पौडेलले विधान संशोधनको मस्यौदा माथि आ–आफ्नो धारणा राख्नु भएको हो ।

पार्टीको विधान मस्यौदामा पार्टी सभापतिलाई मात्रै बलियो बनाउने गरी तयार गरेको भन्दै विरोध हुँदै आएको थियो ।

मस्यौदा समितिमा सहमति हुन नसकेका विषयमा सहमति खोज्न केन्द्रीय कार्यसमिति बैठकमा छलफल चलिरहेको हो ।

पार्टी सभापति शेरबहादुर देउवा पक्ष भने सभापतिलाई अधिकारसम्पन्न बनाउने गरी विधान पारित गराउने प्रयासमा लागेका छन् भने वरिष्ठ नेता रामचन्द्र पौडेल पक्ष कसरी आफ्नो अनुकुल विधान पारित गराउने भन्नेमा केन्द्रित छ । पौडल पक्षका नेताहरु यसअघि पटक–पटक सुजाता कोइराला र शशांक कोइराला निवासमा बैठक बसेर रणनीति बनाएका छन् ।

संस्थापन पक्षका नेताहरु पनि सभापति देउवा निवासमा भेला भएर आफू अनुकुल विधान पारित गराउन रणनीति बनाएको सहभागी एक सदस्यले जानकारी दिए ।

मंसिर ७ गते बसेको केन्द्रीय समितिमा विधान मस्यौदा समितिले पेश गरेको विधान मस्यौदा माथि आजबाट छलफल सुरु भएको हो ।

अन्तिम अपडेट: माघ १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्