युक्रेनले पहिलो पटक बेलायती मिसाइल रुसमा प्रहार गर्‍यो

मंसिर ६, २०८१ बिहीबार ६:४१:१५ | एजेन्सी

बेलायतले दिएको लामो दूरीको मिसाइल स्ट्रम स्याडो मिसाइल युक्रेनले पहिलो पटक रुसी भूमिमा प्रहार गरेको छ । अमेरिकाले दिएको मिसाइल प्रहार गरेको दोस्रो दिनमै हिजो युक्रेनले बेलायतले दिएको मिसाइलबाट पनि रुसमा आक्रमण गरेको हो ।

रुसी युद्ध संवाद दाताले टेलिग्राममा पोष्ट गरेको भिडियो फुटेजअनुसार युक्रेनको सीमामा रहेको कुस्र्क क्षेत्रमा मिसाइल प्रहार भएको थियो । मिसाइल आवासीय क्षेत्रमा मिसाइल प्रहार गरे पनि क्षतिको विवरण प्राप्त भएको छैन ।

अमेरिकाले आफूले दिएको लामो दूरीको मिसाइल रुसी भागमा आक्रमण गर्न युक्रेनलाई अनुमति दिएपछि बेलायतले पनि अनुमति दिएको छ । रुसले युक्रेनमा आक्रमण थालेको एक् हजार दिनमा अस्ति युक्रेनले ६ वटा अमेरिकी मिसाइल रुसमा प्रहार गरेको थियो, पाँच वटा भने रुसले आकासमै ध्वस्त बनाएको थियो ।

यसैबीच, रुसले युक्रेनको राजधानी किभमा ठूलो आक्रमण गर्ने भन्दै बन्द भएका विभिन्न देशका दूतावास अहिले खुलेका छन् । रुसले किभमा निकै ठूलो र खतरनाक आक्रमण गर्ने सूचना पाएको भन्दै अमेरिका, स्पेन, इटली लगायका देशले हिजो दुतावास बन्द गरेका थिए ।

युक्रेनभर रुसी आक्रमणको हल्ला फैलिएपछि धेरैजसो मानिस बंकरमा लुक्न गएका थिए । सरकारी र निजी कार्यालय बन्द भएका थिए । युक्रेन सरकारले भने रुसले आक्रमणको भ्रमपूर्ण सन्देश फैलाएर मनोवैज्ञानिक आतङ्क मच्याएको बताएको छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

युक्रेनले पहिलो पटक बेलायती मिसाइल रुसमा प्रहार गर्‍यो

तस्बिर : एजेन्सी

तपाईको प्रतिक्रिया