म्याग्दीको दुर्गम क्षेत्र चिमखोलामा नयाँ स्वास्थ्य चौकी भवन निर्माण

मंसिर २२, २०८१ शनिबार १२:६:२ | रासस

म्याग्दी – म्याग्दीको रघुगङ्गा गाउँपालिका–७ चिमखोलाका ८३ वर्षीय लबहादुर पुन गाउँमा स्वास्थ्य चौकी भवन बनेपछि खुशी हुनुहुन्छ । गाउँमा पुरानो र साँघुरो भवनबाट सेवा लिँदै आएकोमा पक्की सुविधा सम्पन्न भवन बनेपछि सेवा लिन सहज हुने पुनको भनाइ छ ।

भौगोलिक रूपमा विकट र दुर्गम क्षेत्रमा रहेको चिमखोलामा स्वास्थ्य चौकी भवन निर्माण भएपछि स्थानीयवासीले नौमती बाजासहित नाचगान गरेर खुशीयाली मनाएका छन् । गाउँपालिका र सङ्घीय सरकारको एक करोड ७९ लाख ३९ हजार ३२ रुपैयाँ लागतमा दुई तले सुविधा सम्पन्न स्वास्थ्य चौकी भवन निर्माण भएको हो ।

भवन उद्घाटन गर्दै गाउँपालिकाका अध्यक्ष भवबहादुर भण्डारीले आवश्यक सामग्रीको बन्दोबस्त गरी नवनिर्मित भवनबाट सेवा शुभारम्म गरिएको बताउनुभयो । उहाँले भवनमा थप औजार उपकरण र औषधिको उपलब्धता गराएर स्वास्थ्य चौकीमा बर्थिङ सेन्टरको समेत सेवा विस्तार गर्ने तयारी गरिएको जानकारी दिनुभयो ।

भवनमा बिरामी जाँच, बर्थिङ सेन्टर, औषधि भण्डारण, कर्मचारी आवासलगायतका लागि छुट्टाछुट्टै कोठाको व्यवस्था गरिएको छ । खुला ठाउँ र फराकिलो कोठाहरू रहेकाले बिरामीको जाँच गर्न र सेवाग्राहीलाई समेत सहज रूपमा स्वास्थ्य सेवा लिने सुविधा पुगेको स्वास्थ्य चौकीका प्रमुख हिस्टुरी पाइजाले जानकारी दिनुभयो ।

विभिन्न टोल बस्तीमा छरिएको चिमखोलामा नागरिकलाई सरल र सहजरूपमा स्वास्थ्य सेवा उपलब्ध गराउनका लागि यसअघि चिमखोलाको पात्लेखेतमा सामुदायिक स्वास्थ्य एकाइ स्थापना गरिसकिएको र नामेला बस्तीमा समेत सामुदायिक स्वास्थ्य एकाइ स्थापना गर्न लागिएको वडाध्यक्ष थकबहादुर पाइजाले जानकारी दिनुभयो ।

रघुगङ्गा गाउँपालिकामा वडा नम्बर १ बेगबाहेकका सबै वडामा स्वास्थ्य चौकी भवन निर्माण भएको छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

म्याग्दीको दुर्गम क्षेत्र चिमखोलामा नयाँ स्वास्थ्य चौकी भवन निर्माण

तस्वीर : रासस

तपाईको प्रतिक्रिया