अमेरिकाका नवनिर्वाचित राष्ट्रपति ट्रम्प दोस्रो पटक टाइम वर्ष व्यक्ति घोषित

मंसिर २८, २०८१ शुक्रबार ५:५४:४ | एजेन्सी

अमेरिकाका नवनिर्वाचित राष्ट्रपति डोनाल्ड ट्रम्प टाइम म्यागेजिनको वर्ष व्यक्ति घोषित हुनुभएको छ ।

टाइम म्यागेजिनका प्रधान सम्पादक साम ज्याकोब्सले ऐतिहासिक राजनीतिक पुनरागमन, विश्वमा अमेरिका र अमेरिकी राष्ट्रपतिको भूमिका परिवर्तनका लागि डोनाल्ड ट्रम्पलाई टाइमको सन् २०२४ को वर्ष व्यक्ति घोषित गरिएको बताउनुभएको समाचारसंस्था एएफपीले जनाएको छ ।

यसले ट्रम्पको आश्चर्यजनक राजनीतिक पुनरागमनलाई स्वीकार गरेको छ र उहाँले नोभेम्बर पाँचको चुनावमा उपराष्ट्रपति कमला ह्यारिसलाई पराजित गर्नुभएको थियो ।

यसवर्ष ट्रम्पलाई व्यापारिक घोटालाको अभियोगमा दोषी ठहर गर्नुको साथै दुई पटक हत्याको प्रयास भयो । तर अन्त्यमा उहाँ दुवै सदनमा रिपब्लिकन बहुमतका साथ ह्वाइट हाउस फर्कने तयारीमा हुनुहुन्छ ।

ट्रम्प दोस्रो पटक टाइम वर्ष व्यक्ति बन्नुभएको हो । यसअघि उहाँ सन् २०१६ मा राष्ट्रपतिमा निर्वाचित भएपछि टाइम वर्ष व्यक्ति चयन हुनुभएको थियो ।

टाइम म्यागेजिनले हरेक वर्ष विश्वव्यापी घटनाहरूलाई नाटकीय रूपमा आकार दिने व्यक्तिहरूलाई वर्ष व्यक्ति घोषणा गर्ने गर्दै आएको छ ।

वर्ष व्यक्तिको सूचीमा विश्व नेताहरूदेखि सांस्कृतिक क्रान्तिकारीहरू समावेश हुने गरेका छन् । टाइमले सन् १९२७ देखि ‘वर्ष व्यक्ति’ घोषणा गर्न थालेको हो ।

अन्तिम अपडेट: मंसिर २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकाका नवनिर्वाचित राष्ट्रपति ट्रम्प दोस्रो पटक टाइम वर्ष व्यक्ति घोषित

तस्बिर : एजेन्सी

तपाईको प्रतिक्रिया