एनएनआईपीए स्पोर्टस अवार्ड पुस २० गते हुने

पुष ९, २०८१ मंगलबार ७:११:१ | उज्यालो सहकर्मी

काठमाण्डौ – एनएनआईपीए स्पोर्टस अर्वाड को १९ औँ संस्करण यही पुस २० गते हुने भएको छ ।

यसपटकको अर्वाड काठमाण्डौको तारकेश्वर नगरपालिकामा हुने आयोजक नेपाल राष्ट्रिय तथा अन्तर्राष्ट्रिय खेलाडी सङ्घ (एनएनआईपीए) ले जानकारी दिएको छ ।

तारकेश्वर नगरपालिकाका कृष्णहरि महर्जन र एनएनआईपीएका अध्यक्ष दीपक श्रेष्ठबीच मनमैजु मन्दिरमा अवार्ड आयोजनाका लागि सम्झौता भएको हो ।

गएको वर्ष चीनको हाङझाउमा भएको १९ औँ एशियाली खेलकुदमा २९ खेलमा भाग लिने नेपाली खेलाडीमध्ये राष्ट्रिय खेल सङ्घको सिफारिशमा १ जना उत्कृष्ट खेलाडीलाई नगदसहित अर्वाड प्रदान गरिने एनएनआईपीएका महासचिव शिव सुन्दर गोथेले जानकारी दिनुभयो ।

त्यस्तै उत्कृष्टहरुमध्ये एक महिला र एक पुरुष खेलाडीलाई प्रतिभाशाली खेलाडी सम्मान दिइनेछ ।

अवार्ड कार्यक्रममा एक जना पाका खेल व्यक्तित्वलाई गजराज आर्दश खेल व्यक्तित्व र एक खेल पत्रकारलाई एनएनआईपीए खेल पत्रकारिता पुरस्कारबाट सम्मान गर्ने आयोजकले जनाएको छ ।

त्यस्तै एक जना वर्ष उत्कृष्ट पारा खेलाडी घोषणा गर्दै अवार्ड र नगद पुरस्कार दिने तयारी छ ।

अन्तिम अपडेट: पुस ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्