अस्पतालमा ज्वरोका बिरामी बढे, खानपानमा ध्यान दिन डाक्टरको सल्लाह

जेठ ३०, २०७५ बुधबार ९:१२:१ | उज्यालो सहकर्मी

काठमाडौं – गर्मीको योबेला ज्वरोको बिरामी बढेको भन्दै सचेत रहन डाक्टरले सुझाव दिएका छन् । काठमाडौंसहित देशका विभिन्न भेगमा गर्मीका कारण भाइरल ज्वरोका बिरामी बढेका छन् । सरकारी तथा नीजि अस्पतालहरुमा केही दिन यता ज्वरोका बिरामी बढेको टेकु अस्पतालका सरुवा रोग विषेशज्ञ डाक्टर शेरबहादुर पुनले बताउनुभयो ।

उहाँका अनुसार शुक्रराज ट्रपिकल तथा सरुवा रोग अस्पतालमा दैनिक औसतमा २० जना ज्वरोका बिरामी पुग्ने गरेका छन् । जाडोको समयमा औसतमा १० जना भन्दा कम बिरामी जाने गरेका थिए । टाउको दुख्ने, पेट दुख्ने, खाना नरुच्ने, ज्वरो आउने जस्ता लक्षण देखा परे तत्काल अस्पताल जान पनि डाक्टर पुनले सुझाव दिनुभएको छ ।
अत्याधिक गर्मी र खानपिनमा उचित ध्यान नपुर्‍याउँदा भाइरल ज्वरोको बिरामी बढेको उहाँले बताउनुभयो । अहिले सिजनल रुपमा भाइरल ज्वरो देखिनु सामान्य नै भएको उहाँको भनाई छ । सावधानी नअपनाएमा जोखिम हुनसक्ने भएकाले खानपिनमा विशेष ध्यान दिनुपर्ने उहाँले बताउनुभयो । बाहिरका तथा बासी खानेकुरा नखान र पानी उमालेर मात्र पिउनु डाक्टर पुनको सल्लाह छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्