जाउलाखेलसँग मनाङकाे संघर्षपूर्ण जित, शीर्षस्थानमा कायमै

मंसिर १९, २०७५ बुधबार १४:३५:२३ | उज्यालो सहकर्मी

काठमाडाैं - शहीद स्मारक ए डिभिजन लिगमा मनाङ मर्स्याङदीले लगातार छैटौ जित निकालेको छ । बुधबार भएको खेलमा मनाङले जाउलाखेलमाथि एक शून्यको संघर्षपूर्ण जित हात पार्यो ।

सातदोबाटोमा रहेकाे एन्फा कम्प्लेक्समा भएको खेलमा मनाङले सुरुवाती १२ मिनेटमा गोलका तीन अवर गुमाउँदा पहिलो हाफ गोल रहित बराबरी खेलेको थियो । सातौं मिनेटमा बिशाल राइको फ्रि किकलाइ जावालाखेलका गोलकिपर सागर श्रेष्ठले पन्च गरेका थिए ।

त्यसै बलमा अन्जन बिस्टले गरेको सशक्त प्रहारमा सागर नै बाधक बने । लगत्तै अडेलाजा सोमिदीको प्रहारलार्इ पनि गोलकिपरले राेकिदिए । १२ औं मिनेटमा हेमन गुरुङको प्रहारलार्इ सागरले बचाएपछि मनाङ अग्रता लिन बाट चुकेको थियो ।

६० औं मिनेटमा जावालखेलका एडामा दुम्बियाल अफिज ओलावालेलार्इ डिबक्समा लडाएपछि मनाङले पेनाल्टीको अवसर पायो जसलाई अञ्जन बिष्टले गोलमा परिणत गर्दै टिमलाई अग्रता दिलाए । जारी लिगमा अन्जनको यो पाँचौ गोल हो ।

७२ औंं मिनेटमा मनाङले अर्को गोलको अवसर पाएको थियो तर सदुपयोग गर्न सकेन । खेलको अन्तिममा भने जाउलाखेलले मनाङलाइ दबाबमा राखेको थियो ।

सात मिनेट थप गरिएको इन्जुरी समयमा जावाखेलले गोलका दुइ सुन्दर अवसर गुमाएको थियो । सुसिल कुमार यादवको प्रहारको उत्कृष्ट बचाउ गर्दा विशाल श्रेष्ठ घोइते हुदै मैदान बाहिरिएका थिए ।

जारी लिगमा अपराजित रहेको मनाङ ६ खेलबाट १८ अंक बनाउदै लिगको शीर्ष स्थानमा कायमै रहेको छ । जाउलाखेलको प्रतियोगिामा यो चौथो हार हो । लिगमा अहिले हिमालयन शेर्पा र च्यासल युथ क्लब तथा सरस्वती थ्रि स्टार बीच खेल भइरहेको छ

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्