सिण्डिकेट तोडिएपछि यातायात क्षेत्र सुधार भयो : मन्त्री थापा

मंसिर २२, २०७५ शनिबार १५:४९:३ | उज्यालो सहकर्मी

काठमाडौं – गृहमन्त्री रामबहादुर थापाले व्यवसायिक हित र समृद्धिको लागि सरकारले यातायात क्षेत्रको सिण्डिकेट तोड्ने काम गरेको बताउनुभएको छ ।

नेपाल सार्वजनिक यातायात प्रालि समन्वय समितिको प्रथम केन्द्रीय भेलालाई शनिबार काठमाडौंमा सम्बोधन गर्दै मन्त्री थापाले केही व्यक्तिमा मात्रै सीमित रहेको यातायात व्यवसायलाई सबैको पहुँचमा पुर्याउने काम सरकारले गरेको बताउनुभएको हो ।

यातायात क्षेत्रमा आउने सबैको हितका लागि सिण्डिकेट तोडिनु अत्यावश्यक रहेको भन्दै उहाँले सिण्डिकेटको अन्त्यसँगै यातायात व्यवसाय व्यवसायिक रुपमा अघि बढेको मन्त्री थापाको भनाई थियो ।

गृहमन्त्री थापाले लामो समयदेखि केही व्यक्तिले यातायात व्यवसायमा एकाधिकार कायम गरी एकलौटी रुपमा शोषण गर्दै आफू मात्रै समृद्ध हुने गरेको र त्यस्तो पद्धतिलाई नीति निर्माता र प्रशासकले पनि संरक्षण गर्दै आएकाले यातायात क्षेत्र व्यवसायिक बन्न नसकेको दाबी गर्नुभयो ।

लामो समयदेखि सीमित व्यक्तिमा रहेको एकाधिकारबाट यातायात क्षेत्रलाई बाहिर ल्याउने काम भएकाले तत्काल केही कानुनी बाधा देखिए पनि सरकारले सबै जटिलताहरुको अन्त्य गर्दै लैजाने मन्त्रस् थापाले प्रतिवद्धता जनाउनुभयो ।

नेपाल सार्वजनिक यातायात प्रालि समन्वय समितिका अध्यक्ष होमप्रसाद अधिकारीले यातायात क्षेत्रमा भ्रष्टाचार व्याप्त रहेको भन्दै त्यसको अन्त्यका लागि पहल गर्न गृहमन्त्रीको ध्यानाकर्षण गराउनुभयो ।

उहाँले यातायात कार्यालयका कर्मचारीहरु दिनहुँ अख्तियारको नियन्त्रणमा पर्ने गरेबाट नै त्यहाभित्रको आर्थिक अनियमिततालाई प्रष्ट पारेको उल्लेख गर्नुभयो । उहाँले यातायात कार्यालयका कर्मचारीहरुबाट व्यवसायीहरु पनि मर्कामा परेको दाबी गर्नुभयो ।

अध्यक्ष अधिकारीले यातायात क्षेत्रमा ९८ प्रतिशत निजी क्षेत्रको योगदान रहे पनि भ्रष्टाचार गर्न नपाउने भयका कारण नीति निर्माण तहमा निजी क्षेत्रलाई सहभागी नगराइएको दाबी गर्नुभयो ।

सरकारले देशभरका सबै बस व्यवसायी समितिलाई खारेज गरी कम्पनी र प्रालिमा जानुपर्ने बाध्यकारी नियम बनाएको छ ।

अन्तिम अपडेट: माघ १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्