ए डिभिजन लिग : पुलिसले फ्रेन्ड्सलाई ५–० ले हरायो

मंसिर २८, २०७५ शुक्रबार १३:१३:१४ | उज्यालो सहकर्मी

काठमाडौं – शहीद स्मारक ए डिभिजन लिगमा विभागीय टिम नेपाल पुलिसले फ्रेन्ड्स विरुद्ध ५–० को जित निकालेको छ । जारी प्रतियोगितामा पुलिसको चौथो जित हो ।

सातदोबाटोमा रहेको एन्फा मैदानमा जारी खेलका पुलिसले सुरुवातदेखि नै आक्रामक फुटबल खेल्यो । जसका कारण उसले चौथो मिनेटमा नै गोल गर्न सफल भयो । उसका लागि रवीकिशन पासवानको पासमा अभिषेख रिजालले गोल गरे ।

छैटौं मिनेटमा भरत शाहको प्रहार पोष्ट नजिकैबाट बाहिरिन पुग्यो । तर ३१ औं मिनेटमा पुलिसले अग्रता दुई–शून्यमा पुर्यायो । यसपटक रविशंकर पासवान आफैले गोल गर्न सफल भए । त्यसपछि फ्रेन्डस खेलमा फर्कन सकेन र पुलिसले पहिलो हाफमा दुई गोलको अग्रता बनायो ।

पहिलो हाफमा दुई गोल गरेको पुलिसले दोस्रो हाफमा पनि थप तीन गोल गर्यो । ५९ औं मिनेटमा रविशंकर पासवानको पासमा भरत शाहले गोल गर्दै अग्रता तीन–शून्यमा पुर्याए । त्यसको तीन मिनेटपछि फेरि पुलिसले स्कोरबोर्डमा चौथो गोल थप्यो । यसपटक अभिषेख रिजालको पासमा तेज तामाङले गोल गर्न सफल भए । ८८ औं मिनेटमा पुलिसका लागि निरकुमार राईले पाँचौ गोल थपे । उनले भरत शाहको पासको सदुपयोग गरेका थिए ।

जितपछि पुलिसले आठ खेलबाट ११ अंक बनाएको छ । फ्रेन्ड्सको मात्र ५ अंक छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्