भारतीय हकी प्रशिक्षक हरेन्द्र सिंहलाई कारबाही गर्ने विश्व हकी महासंघको चेतावनी

मंसिर २९, २०७५ शनिबार १९:४:१४ | एजेन्सी

विश्व हकी महासंघले भारतीय हकी प्रशिक्षक हरेन्द्र सिंहलाई कारबाही गर्ने चेतावनी दिएको छ ।

नेदरल्याण्ड्सँग विश्वकपमा २–१ ले पराजित भएपछि भारतीय प्रशिक्षक सिंहले रेफ्रीको भूमिकाप्रति असन्तुष्टि जनाएका थिए । खेलपछि आयोजित पत्रकार सम्मेलनमा सिंहले एसियाली खेलकूदमा पनि रेफ्रीका कारण आफूहरु पराजित भएको र विश्वकपमा पनि यस्तै भएको बताएका थिए । उनले रेफ्रीको स्तर सुधार गर्न पनि आग्रह गरेकोमा विश्व हकी महासंघले आपत्ति जनाउँदै कडा कारबाही गर्ने चेतावनी दिएको हो ।

हकी महासंघका कार्यकारी निर्र्देशक थिएर वेल र अध्यक्ष नरिन्दर बत्राले उनले लगाएको आरोप सहन नसक्ने चेतावनी दिएका हुन् । उनीहरुले पराजित भएपछि रेफ्रीको भूमिकामाथि प्रश्न उठाउनु सरासर गलत भएको पनि बताएका छन् । उनीहरुले आउँदो मंगलबार हरेन्द्रले दिएको अभिव्यक्तिको फूटेज हेर्ने र त्यसका आधारमा एक्सन लिने जनाइएको छ । भारतीय हकी संघका पूर्व अध्यक्षसमेत रहेका बत्राले सिंहलाई कारबाही गर्ने बताए ।

मे २०१८ मा भारतीय महिला हकी टिम छाडेपछि हरेन्द्रले पुरुष टिम सम्हालेका थिए । उनले सम्हालेपछि पुरुष टिमले च्याम्पियन्स ट्रफीमा रजत पदक जितेको थियो । त्यसअघि जुनियर टिमको प्रशिक्षक बन्दा लखनऊमा आयोजना भएको जुनियर विश्वकपको उपाधि भारतलाई दिलाएका थिए ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्