यस्तोे कुकुर जसले दिनभर मालिकलाई रेलवे स्टेशनमा कुरेर बस्छ

वैशाख २६, २०७५ बुधबार ९:३१:३९ | उज्यालो सहकर्मी

वैशाख १७ – कुकुरलाई घरमा पाल्ने परम्परा धेरै पहिलादेखि नै सुरु भएको हो ।

घरको सुरक्षा, पशु चौपायाको सुरक्षाका लागि कुकुर पाल्ने परम्परा धेरै देशमा पाइन्छ । पछिल्लो समय कुकुरलाई ट्रेनिङ दिएर काम लगाउने परम्परा पनि छ । तर चीनमा एउटा यस्तो कुकुर छ जसले मालिकलाई सधैँ अफिसबाट घर ल्याउने र पुर्‍याउने गर्छ ।

दक्षिण–पश्चिम चीनको युझोङ जिल्लामा ‘शियोङशियोङ’ नामको एउटा कुकुर आकर्षणको केन्द्र बनिरहेको छ । ‘शियोङशियोङ’ एउटा पूच प्रजातिको कुकुर हो । शियोङशियोङले सबैको ध्यान तान्नुको कारण भने उसको दैनिकी हो ।

साउथ चाइना पोष्टका अनुसार गएको ९ वर्षदेखि शियोङशियोङ आफ्नो मालिक काममा गएपछि मालिक नफर्कुन्जेल लिचिपा मेट्रो स्टेशनमा बस्छ र मालिक फर्केपछि मालिकसँगै घर फर्कन्छ । उसका मालिक काम गर्नका लागि लिचिपा रेलवे स्टेसनबाट बाहिर जाने गर्छन । उसको यो अनौठो व्यवहारले मानिसहरुलाई आश्चर्यमा पारेको छ ।

शियोङशियोङको यो व्यवहार सन् १९२० ताकाको जापानी कुकुर हचिकोसँग तुलना गर्न थालिएको छ । हचिकोले आफ्नो मालिक कामबाट फर्किने बेलामा मेट्रो स्टेशनमा कुरेर बस्थ्यो । उसको यो व्यवहार उसको मालिक मरेको ९ वर्षसम्म जारी रह्यो ।

शियोङशियोङलाई उसको मालिकले पालेको लगभग ८ वर्ष भयो भने उसको उमेर भने १५ वर्षको छ । उसको अहिलेका मालिकले नै उसको नाम शियोङशियोङ राखिदिएका थिए । कुकुरका मालिकका अनुसार उनले शियोङशियोङलाई भेटेको दिनदेखि नै कुकुरले उनलाईँ पर्खँदै आएको छ ।

People's Daily,China ✔@PDChina

A touching dog's tale in China: Meet Xiongxiong, a 15-yr-old dog in Chongqing who has waited for its owner at the metro station every day for years

9:15 AM - Apr 28, 2018

541

262 people are talking about this

Twitter Ads info and privacy

मालिक बिहान ७ बजे काममा गएर १२ घण्टापछि फर्कंदा शियोङशियोङ उनलाई मेट्रो स्टेशनमा कुरिरहेको हुन्छ । उसको बानी पनि अनौठो छ । मालिकलाई कुर्दै गर्दा उ संयमित भएर बस्छ र अरुले दिएको केही खाँदैन । शियोङशियोङ उसको मालिकलाई प्रत्येक दिन फर्केको देख्दा सारै उत्साहित हुन्छ ।

उसले मालिकलाई देख्नासाथ पुच्छर हल्लाउँदै उत्साहित भएर भुक्ने गर्दछ । आजभोलि शियोङशियोङ इण्टरनेट तथा अनलाइन प्रयोगकर्तामाझ लोकप्रिय भैरहेको छ । स्टेशनमा आउने मानिसहरुले कुकुरको फोटो तथा भिडियो खिचेर समाजिक सञ्जालहरुमाझ लोकप्रिय बनाएका छन् ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्