परमाणु सम्झौताबाट बाहिरिने अमेरिकाको निर्णय

वैशाख २६, २०७५ बुधबार ९:५४:१९ | उज्यालो सहकर्मी

वैशाख २५ – अमेरिकी राष्ट्रपति डोनाल्ड ट्रम्पले इरानसँग भएको परमाणु सम्झौताबाट अमेरिका बाहिरिने बताएका छन् । उनले यो सम्झौता औचित्यहीन र बेकार भएकोसमेत बताएका छन् ।

सन् २०१५ मा राष्ट्रपति बाराक ओबामासँग भएको सम्झौता अनुसार इरानले आफ्नो परमाणु हतियार कार्यक्रम बन्द गर्ने र अमेरिकाले लगाउँदै आएको प्रतिबन्ध फुकुवा गर्ने सम्झौता भएको थियो ।

इजरायलका प्रधानमन्त्री बेन्जामिन नेतन्याह्युले अमेरिकाको यो निर्णयलाई समर्थन गरेका छन् ।

इरानले भने ट्रम्पको यो फैसलाको निन्दा गरेको छ । इरानका राष्ट्रपति हसन रुहानीले अमेरिकाको यो फैसलाको प्रतिक्रिया दिँदै इरान अब युरेनियम उत्पादनमा लाग्ने बताए ।

उनले भनेका छन् ‘मैले इरानको अटोमिक इनर्जी अर्गनाइजेसनलाई आवश्यक परेको खण्डमा तयारी अवस्थामा रहन निर्देशन दिएका छु । हामी औद्योगिक स्तरमै रसायनीक उर्जा र हतियार उत्पादन गर्न सुरु गरौँ ।’

राष्ट्रपति रुहानीले परमाणु सम्झौतामा समावेश भएका अन्य सहयोगीहरुसँग कुरा गर्नका लागि एक हप्ता पर्खने बताएका छन् ।

अमेरिकाले पनि इरानमा आर्थिक प्रतिबन्ध अहिले नै नलगाइहाल्ने र यसका लागि तीन महिना अथवा ६ महिना पर्खने बताएको छ ।

इरानसँगको पारमाणविक सम्झौता महत्वपूर्ण भएको भन्दै ब्रिटेन, फ्रान्स र जर्मनीले त्यसबाट बाहिरिने अमेरिकी राष्ट्रपति ट्रम्पको निर्णयप्रति दुःख व्यक्त गरेका छन् ।

उनीहरूले अरू मुलुकले सम्झौता कार्यान्वयनलाई निरन्तरता दिँदा वाशिङटनले त्यसमा अवरोध पुर्याउने कदमहरू चाल्न नहुने पनि बताएका छन् ।

सन् २०१५ मा इरानले आफ्नो परमाणु कार्यक्रम स्थगित गर्न सहमत भएपछि इरानको अमेरिका, बेलायत, फ्रान्स र रूससँग सम्झौता भएको थियो ।

सम्झौतापछि अन्तर्राष्ट्रिय समुदायले लगाउँदै आएका इरान लक्षित कैयौं आर्थिक प्रतिबन्ध फुकुवा गरिएको थियो । अमेरिकी राष्ट्रपति डोनाल्ड ट्रम्पले तेहरानले आफूले व्यक्त गरेको प्रतिबद्धता पूरा नगरेको भन्दै अमेरिका सम्झौताबाट अलग हुने चेतावनी दिँदै आएका थिए ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्