सेनाका गजेन्द्र बने ‘म्यान अफ् द गोरखा’

पुष ५, २०७५ बिहीबार १७:५३:५८ | किरण लोहनी

गोरखा – नेपाली सेनाका गजेन्द्र राई यो वर्षको ‘म्याद अफ् द गोरखा’ बनेका छन् ।

दशौँ गोरखा महोत्सवका क्रममा भएको दौड प्रतियोगितामा पहिलो भएका राईले म्यान अफ् द गोरखा उपाधिसहित ३० हजार रुपैयाँ पुरस्कार जितेका छन् ।

द्रव्य शाहले राज्याभिषेक गरेको ऐतिहासिक पस्लाङ चौताराबाट गोरखा दरबारसम्म भएको ८ किलोमिटर दूरी राईले ३० मिनेट ४० सेकेण्डमा पूरा गरेका थिए । उपाधि विजेता राईलाई ऐतिहासिक पोशाकसहित घोडामा चढाएर गोरखा बजार परिक्रमा गराइएको थियो ।

त्यही दूरी ३० मिनेट ५५ सेकेण्डमा पूरा गरेका नेपाली सेनाकै होमलाल श्रेष्ठ दोस्रो हुँदै १५ हजार रुपैया पुरस्कार प्राप्त गरे । दौडमा तेस्रो स्थान पनि नेपाली सेनाकै राजन खत्रीले प्राप्त गरे । खत्रीले निर्धारित दूरी ३१ मिनेट १७ सेकेण्डमा पार गर्दै १० हजार रुपैया पुरस्कार प्राप्त गरे ।

चौथो भएका नेपाली सेनाकै हरिकुमार रिमाल र पाँचौं स्थान प्राप्त सेनाकै कल्याण बानियाँले २५/२५ सय रुपैयाँ पुरस्कार प्राप्त गरे ।

दौड प्रतियोगितामा २ महिलासहित ३४ जनाको सहभागिता रहेको थियो । दौड पूरा गर्ने धाविका नेपाली सेनाकै रणसिं दल गणकी आशा तामाङलाई पनि प्रोत्साहन स्वरुप पुरस्कृत गरिएको छ । गोरखा उद्योग वाणिज्य संघले गोरखा महोत्सवका क्रममा हरेक पटक म्यान अफ् द गोरखा दौड प्रतियोगिता गर्दै आएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्