अहिल्यै सरकारको मूल्याङ्कन गर्ने समय भएको छैन : मन्त्री बस्नेत

पुष ११, २०७५ बुधबार १३:८:० | मुना हमाल

सुर्खेत – वन तथा वातावणमन्त्री शक्ति बस्नेतले अहिल्यै सरकारको मूल्याङ्कन गर्ने समय भइनसकेको बताउनुभएको छ ।

अहिले सरकार प्रारम्भीक चरणमा रहेकाले सरकारप्रति विभिन्न टिकाटिप्णी भए पनि एक वर्ष नपुग्ने बेलासम्म सरकारको मूल्याङ्कन गर्ने समय नआएको बताउनुभयो । बुधबार गृह जिल्ला जाजरकोट महोत्सव उद्घाटन गर्न जाने क्रममा सुर्खेत विमानस्थलमा पत्रकारहरुसँग कुराकानी गर्दै उहाँले सरकारले घोषणा गरेका कुरा पूरा गर्ने गरी काम सुरु गरेको बताउनुभयो ।

‘सबैभन्दा पहिले सरकारले कानुन सुधार गर्नमा प्राथमिकता दियो । अब हामीले गरेका बाचा पुरा गर्ने गरी काम गछौँ । अब परिणाम आउँछ’, उहाँले भन्नुभयो, ‘पाँच वर्षको म्याण्डेड पाएको सरकारको अहिले नै मूल्याङ्कन गर्ने समय भइसकेको छैन् ।’ उहाँले कर्मचारी समायोजना अब छिट्टै सकिने पनि बताउनुभयो ।

फरक प्रसंगमा सुर्खेतका बाढी पीडितहरुको पुर्नस्र्थापनाका लागि प्रक्रिया सुरु गरिसकेको पनि उहाँले जानकारी दिनुभयो । ‘बाढी पीडितहरुको समस्या समधानका लागि हामी गम्भीर छौँ । अहिले जग्गाको खोजि भइरहेको छ’, उहाँले भन्नभयो, ‘उहाँहरुको समस्या हामी छिट्टै समान गछौँ ।’

चार वर्षसम्म पनि बाढी पीडितहरुको समस्या समधान नभएको भन्दै उहाँले अब प्रदेश सरकार, स्थानीय सरकारहरुसँग समन्वय गरेर छिट्टै पुर्नस्र्थापना गर्ने बताउनुभयो । सबै प्रदेशमा विपद्का बेलामा तत्काल राहत र उद्धारका लागि एउटा हेलिकप्टर स्ट्याण्डबाई राख्नका लागि छलफल भइरहेको पनि बताउनुभएको छ ।

दुर्गम ठाउँमा राहत र उद्धारमा समस्या हुने भएकाले यस विषयमा छलफल भइरहेको मन्त्री बस्नेतले जानकारी दिनुभयो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्