राइसिना डायलगमा भाग लिन परराष्ट्रमन्त्री ज्ञवाली बिहीबार नयाँ दिल्ली जाँदै

पुष २५, २०७५ बुधबार १८:३५:८ | उज्यालो सहकर्मी

काठमाडाैं - परराष्ट्रमन्त्री प्रदीप ज्ञवाली राइसिना डायलगको चौथो संस्करणमा भाग लिन बिहीबार भारतको नयाँ दिल्ली प्रस्थान गर्दैहुनुहुन्छ ।

परराष्ट्रमन्त्री ज्ञवालीले बिहीबार नै कार्यक्रमलाई सम्बोधन गर्ने कार्यक्रम छ ।

भारतीय विदेश मन्त्रालयसँगको समन्वयमा अब्जर्भर रिसर्च फाउण्डेशननामक संस्थाले आयोजना गरेको राइसिना डायलगको यस संस्करणको नारा अ वल्र्ड रिअर्डर न्यू जिओमेट्रिक्स, फ्लुड पार्टनरशीप्स, अन्सर्टेन आउटकम्स रहेको छ ।

राइसिना डायलग विश्वमा रहेका सर्वाधिक चुनौतिपूर्ण मुद्दाहरुलाई सम्बोधन गर्न बहुराष्ट्रिय सम्मेलन हो । प्रत्येक वर्ष अन्तरराष्ट्रिय स्तरका नीतिनिर्माणसम्बन्धी विविध विषयमा छलफल गर्न नीतिनिर्माण, व्यवसाय, सञ्चार तथा नागरिक समाजका अग्रणी व्यक्तिहरुलाई नयाँ दिल्लीमा आमन्त्रण गरिन्छ ।

राइसिना डायलग राष्ट्रप्रमुख, मन्त्रीहरु तथा स्थानीय सरकारका अधिकारीका साथै नीजी क्षेत्रका अधिकारीहरु र सञ्चार तथा शिक्षाक्षेत्रका व्यक्तिहरु संलग्न गराइ बहु साझेदार तथा बहुक्षेत्रीय हिसाबले संरचना गरिएको बहस कार्यक्रम हो ।

यस संस्करणका लगि परराष्ट्रमन्त्री ज्ञवालीसहित नर्वेका प्रधानमन्त्री, अफगानिस्तानका पूर्व राष्ट्रपति हमिद कारजाइ, लगायतका उच्चपदस्थ व्यक्तिहरु वक्ताका रुपमा रहेका छन् ।

भ्रमणका क्रममा मन्त्री ज्ञवालीले भारतका उच्च पदस्थ अधिकारीहरुसँग पनि भेटघाट गर्नुहुनेछ । कार्यक्रम पछि मन्त्री ज्ञवाली शुक्रबार स्वदेश फर्कनुहुनेछ ।

अन्तिम अपडेट: माघ १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्