अहिलेसम्मकै सबैभन्दा ठूलाे टेलिभिजन ‘द वाल’ सार्वजनिक, आकार १४६ इञ्च

पुष २७, २०७५ शुक्रबार १६:१३:५४ | एजेन्सी

काेरियाकाे सामसङ कम्पनीले हालै विश्वकै सबैभन्दा ठूलो आकारको टेलिभिजन सार्वजनिक गरेकाे छ ।

द वाल नाम दिइएको यो टेलिभिजन १४६ इञ्चको छ । यसको आकारमात्र ठूलो नभइ यसको डिस्प्ले पनि नयाँ प्रविधिको नै छ । यस प्रविधिको नाम माइक्रो एलईडी हो । सामसङका अनुसार माइक्रो एलईडी प्रविधि अब भविष्यमा आउने टेलिभिजन स्क्रीनको ‘मुटु’ नै सावित हुनेछ ।

यसअघि सन् २०१३ मा सामसङले नै ११० इञ्चको टेलिभिजन सार्वजनिक गरेको थियो जुन अहिलेसम्मकै सबैभन्दा ठूलाे आकारकाे टेलिभिजन थियाे ।

सामसङले यत्तिकै यो टेलिभिजनलाई द वाल नाम दिएको होइन । यसको पछाडि विशेष कारण रहेको छ ।

१४६ इञ्च भनेको हालसम्म विश्वमा उपलब्ध भएका मध्ये अधिकांशका घरमा हुने ठूला टेलिभिजन सेटको दोब्बर नै ठूलो हो भन्दा फरक नपर्ला । धेरैका घरमा बढीमा ५५-६५ इञ्चसम्मका टेलिभिजन हुन सक्छन् । होइन भने २१ देखि २३ २९ ३२ ३९ ४२ ४३ ४८ हुँदै ४९ इञ्चसम्मका टेलिभिजनहरु मानिसहरुका घरमा पाइन्छन् ।

बजारमा भने अन्य कम्पनीकासहित गरेर ८५ इञ्चसम्मका टेलिभिजन उपलब्ध हुने गरेका छन् ।

कोरियाली कम्पनीले निकालेको यो टेलिभिजनमा प्रयोग भएको डिस्प्ले नयाँ प्रविधिको भएको आवश्यकताअनुसार आकार घटबढ गर्न सकिने भएकाले कम्पनीले यसलाई मोड्युलर माइक्रो एलईडी भन्ने नाम दिएको बताइएको छ ।

के हो मोड्युलर माइक्रो एलईडी?

मोड्युलर माइक्रो एलईडी भन्नाले आफैमा प्रकाश दिनसक्ने एकदमै स–साना आकारका एलईडीका माध्यमबाट डिस्प्लेमा प्रकाश आइरहने भन्ने बुझाउँछ ।

यी एलईडीहरु अहिलेका डिस्प्लेमा प्रयोग भएका एलईडीहरुभन्दा धेरै साना आकारका हुन्छन् र यीनिहरुले डिस्प्लेको पछाडि भागमा रहेर निरन्तर प्रकाश दिइराख्छन् । मोड्युलरको अर्थ भने क्रेताले आफ्नो आवश्यकता अनुसार यो डिस्प्लेलाई कष्टोमाइज गर्न सक्छन् भन्ने हाे ।

सामसङ कम्पनीका अनुसार राख्ने ठाउँको आवश्यकता हेरी यसको साइज सानो वा ठूलो बनाउन सकिन्छ ।

१४६ इञ्चको टेलिभिजन बनाएर सार्वजनिक गरे पनि कम्पनीले यसको मूल्य र सर्वसाधारणको लागि उपलब्ध गराउने मिति भने तोकिसकेको छैन ।

मूल्य नतोकिए पनि यसमा प्रयोग भएको प्रविधि र आकारलाई हेर्दा यसको मूल्य अहिले चलनचल्तीमा रहेका ठूला आकारका टेलिभिजनभन्दा निक्कै बढी हुने अनुमान गर्न सकिन्छ ।

आउँदो मार्च महिनामा सामसङले गर्ने पत्रकार सम्मेलनमा यस टेलिभिजनका बारेमा थप जानकारी दिइने बताइएको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्