नेपाली महिलालाई खाडीका देशमा बेचेको आरोप लागेका नेपालका लामा दिल्लीबाट पक्राउ

माघ ७, २०७५ सोमबार १३:४:२७ | उज्यालो सहकर्मी

काठमाण्डौ –नेपाली महिलालाई भारत हुँदै खाडीका देशमा पुर्‍याएर बेच्ने आरोप लागेका एक व्यक्तिलाई भारतीय प्रहरीले पक्राउ गरेको छ । लामो समयदेखि भारतीय प्रहरीको विशेष ब्यूरोले आफ्नो खोजी सूचीमा रहेका नेपालका लोप्साङ लामालाई दिल्ली प्रहरीको विशेष ब्युरोले पक्राउ गरेको हो ।

लामालाई पक्रिन प्रहरीले उनका बारेमा जानकारी दिने व्यक्तिलाई एक लाख रुपैयाँ पुरस्कार दिने घोषणा पनि गरेको थियो । प्रहरीले पक्रिने क्रममा लामा यमुना नदीमा हाम फालेर भाग्न खोजेका थिए । तर पछि प्रहरीले उनलाई पक्रिन सफल भएको भारतीय सञ्चारमाध्यमले जनाएका छन् ।

गएको साउन ९ गते विहारबाट दिल्ली महिला आयोगले १६ जना नेपाली महिलाको उद्दार गरेको थियो । उनीहरुलाई लामाले भारत हुँदै खाडीका देशमा बेच्न लान लागेको खुलेपछि प्रहरीले उनलाई खोजी सूचीमा राखेको थियो ।

उनले एक जना महिला पठाए बापत ४० देखि ५० हजार रुपैयाँसम्म लिने गरेको प्रहरीको भनाई छ । अहिलेसम्म उनले २४ जनाभन्दा धेरै नेपाली महिलालाई खाडीका देश र त्यहाँबाट अरु देश पठाएको भारतीय प्रहरीको भनाई छ ।

गएको वर्ष भदौमा पनि दिल्ली महिला आयोगले नै दिल्लीबाटै ३९ जना महिलाको उद्दार गरेको थियो । आयोगले उनीहरुलाई बेचेर देह व्यापारमा संलग्न गराउन लागिएको विशेष सूचना पाएपछि उनीहरुको उद्दार गरेको थियो । आयोगले एक हप्ताभित्रमा ७३ जना नेपाली महिलाको उद्दार गरेपछि लामालाई पक्रिन प्रहरीले खोजी थालेको थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्