साउदीमा समस्यामा परेका तीन नेपाली महिलाको उद्दार

माघ १०, २०७५ बिहीबार १७:४:८ | उज्यालो सहकर्मी

काठमाण्डौ – साउदीमा समस्यामा परेका तीन जना महिलालाई नेपाली दूतावासले उद्दार गरी नेपाल पठाएको छ ।

कुवेतबाट भिजिट भिषामा साउदी पुर्याएर घरेलु काम गर्न बाध्य पारिएका दिलमाया चेपाङ, शान्ति राई लामा र मुना दुराललाई नेपाल फर्काइएको नेपाली दूतावासले जनाएको छ ।

नेपालबाट कुवेतमा काम लगाइदिने भन्दै लगेको भए पनि दिलमायालाई साउदीमा लगेर घरेलु काममा लगाइएको थियो । कुवेती स्पोन्सरले नै उहाँलाई साउदीमा छाडेको दूतावासले जनाएको छ ।

साउदीमा साहुले कुटपिट गर्दै दुव्र्यवहार गरेको भनेर दिलमायाले दूतावासमा सम्पर्क गर्नुभएको थियो । दूतावासको पहलमा परिवारले नै हवाई टिकट पठाएपछि दिलमाया मंगलबार स्वदेश फर्किनुभएको छ ।

त्यस्तै शान्ति र मुनालाई पनि कुवेतबाट साउदी ल्याई लामो समयदेखि गैर कानुनी अवस्थामा काममा लगाइएको दूतावासको भनाइ छ ।

‘गैरकानुनी हिसाबले काममा लगाइएको रहेछ, उनीहरुले समस्यामा परेको भन्दै दूतावासमा खबर गरेपछि हामीले उद्दार गरी स्वदेश पठाएका हौं,’ दूतावासले भनेको छ ।

शान्ति र मुनालाई भने केही दिनअघि नेपाल पठाइएको हो ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्