प्रेमिकालाई गाडीसहित कालीगण्डकीमा खसाल्ने युवकलाई सर्वस्वसहित जन्मकैद

माघ २४, २०७५ बिहीबार १३:३६:५२ | प्रताप बानियाँ

म्याग्दी – गएको असारमा एक युवतीलाई अपहरण शैलीमा गाडीमा लगेर गाडीसँगै कालीगण्डकी नदीमा फाल्ने युवालाई जिल्ला अदालत म्याग्दीले ३० वर्ष कैद र १ लाख रुपैयाँ जरिवानाको फैसला गरेको छ ।

अन्नपूर्ण गाउँपालिका–७, घराम्दीकी २० वर्षीया सविता नेपालीलाई बेनी नगरपालिका–९, काउलेगौंडाका ३२ वर्षीय रवि खड्काले गाडीसँगै कालीगण्डकीमा खसालेका थिए ।

बुधबार म्याग्दीका जिल्ला न्यायाधीश राजकुमार कोइरालाको इजलासले ज्यान मुद्दामा सर्वस्वसहित २० वर्ष, जबरजस्ती शरीर बन्धक ८ वर्ष र घटनाको प्रकृति अनुसार थप २ वर्ष कैद र १ लाख जरीवाना तिराउने गरी फैसला गरेको अदालतलाई उद्धृत गर्दै प्रहरी नायव उपरीक्षक बिरबहादुर बुढामगरले बताउनुभयो ।

आरोपित खड्काले घराम्दीमा भएको भेलामा सविता गर्भवती रहेको र उनलाई श्रीमती बनाएर राख्ने भन्दै गाडीमा हालेपछि लगेर कालीगण्डकीमा गाडीसँगै खसालेका थिए । गाडी र चालक रवि तथा गाडीमा सवार सविता सबै बेपत्ता भएको भनिए पनि १ हप्तापछि रवि प्रहरीको सम्पर्कमा आएका थिए ।

त्यसपछि प्रहरीले उनलाई पक्राउ गरी जबरजस्ती शरीर बन्धक र हत्याको मुद्दा चलाएको थियो । आरोपित युवाले अदालतसमक्ष दलित भनेर परिवारले नस्वीकार्ने डरका कारण आफूले गाडीसहित युवतीलाई खोलामा फालेर भागेको बयान दिएका थिए ।

२०७४ माघमा भएको म्याग्दी महोत्सवदेखि प्रेम सम्बन्धमा रहेका सविता र रवि निकट हुँदै गर्दा सविता गर्भवती भएकी थिइन् ।

सविताको गर्भमा बच्चा रहेको गाउँमा थाहा भएपछि गाउँलेले रविलाई बोलाएर उनको जिम्मा लगाएका थिए । तर, रविको घरमा श्रीमती तथा बच्चा रहेको र परिवार एवं समाजले दलित भनेर नस्वीकार्ने डरले नियतवश हत्या गरेको प्रहरीको दावी थियो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रताप बानियाँ

म्याग्दीमा बसेर पत्रकारिता गर्ने प्रताप बानियाँ उज्यालोका जिल्ला सम्वाददाता हुनुहुन्छ । उहाँले मुस्ताङका खबर पनि सम्प्रेषण गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रेमिकालाई गाडीसहित कालीगण्डकीमा खसाल्ने युवकलाई सर्वस्वसहित जन्मकैद

प्रतिकात्मक तस्बिर

तपाईको प्रतिक्रिया