दुर्घटनामा दुवै खुट्टा गुमाएका सन्तोषलाई साथीहरुले गरे सहयाेग

माघ २७, २०७५ आइतबार १८:१९:५ | हेमराज शर्मा

दाङ – सवारी दुर्घटनामा परि दुवै खुट्टा गुमाएका दाङका सन्तोष खनाललाई उहाँका साथीहरुले सहयाेगस्वरुप पचासी हजार रुपैयाँ प्रदान गरेका छन् ।

दाङको लमही नगरपालिका वडा नम्बर ५ लमही निवासी सन्ताेषले मोटरसाइकल दुर्घटनामा परि दुवै खुट्टा गुमाउनुभएकाे थियाे । उहाँका साथीहरु लमही नगरपालिका वडा नम्बर ६ लंगढी निवासी (हाल अमेरिका) सन्तोष बस्नेत, उहाँका अर्का साथी लेखराज केसी र अन्य केही साथीहरु मिलेर पीडित खनाललाई नगद पचासी हजार रुपैयाँ प्रदान गरेका छन् ।

सन्तोष बस्नेका बुवा रामबहादुर बस्नेतद्वारा पीडित खनाललाई रकम हस्तान्तरण गरियाे । साथी खनाललाई उपचारमा समस्या परेको कारण आफूले केही रकम सहयोग गरेकाे सन्तोष बस्नेतले भन्नुभयो ।

झण्डै दुई वर्ष अगाडि फागुन १९ गते सन्तोष सवारी दुर्घटनामा पर्नुभएकाे थियाे । दुवै खुट्टा गुमाएको दुई वर्ष बितिसक्दा पनि आर्थिक स्थिति निकै कमजोर भएको हुनाले उपचारमा समस्या परेको छ ।

'आँखा, खुट्टा र टाउकोकाे अझै उपचार गर्न बाँकी छ । आर्थिक स्थितिले साह्रै सताएको छ, आयस्रोत केही छैन, घरको स्थिति पनि नाजुक छ', खनालले आँखा रसाउँदै भन्नुभयाे, 'पूरा उपचार गर्नलाई कम्तिमा पनि १० देखि १२ लाख लाख्छ रे, कसैले सहयोग गरे आभारी हुने थिएँ, सहयोगको अपेक्षयामा छु ।'

अन्तिम अपडेट: मंसिर २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्