मौसम : पुनः वर्षा र हिमपातको सम्भावना

फागुन ६, २०७५ सोमबार ९:३६:४१ | उज्यालो सहकर्मी

काठमाण्डौ – यो वर्ष लगातार रुपमा आइरहेको पश्चिमी वायुको प्रभावले देशका अधिकांश ठाउँमा बदली र वर्षा भैरहेको छ । पश्चिमी वायु एकपछि अर्को लगातार रुपमा भित्रिइरहँदा निरन्तर लामो समयसम्म घाम लाग्न सकेको छैन । गएको बिहीबार भित्रिएको पश्चिमी वायु आइतबारदेखि बाहिरिएको छ ।

फेरि सोमबार भित्रिएको पश्चिमी वायुको प्रभावले पश्चिम, पूर्व र मध्य भूभागमा मेघगर्जनसहित वर्षा हुने जल तथा मौसम पूर्वानुमान महाशाखाले जनाएको छ । ‘पश्चिमी वायुको प्रभावका कारण पानी पर्ने सम्भावना देखिएको हो ।’ महाशाखाकी मौसमविद् मञ्जु वासीले भन्नुभयो, ‘सोमबार राति पश्चिमका केही ठाउँमा ठूलै पानी पर्ने सम्भावना रहेको छ ।’ काठमाण्डौ उपत्यकामा भने सोमबार घाम लाग्ने मौसमविद बासीको अनुमान छ ।

उहाँका अनुसार मंगलबार र बुधबार पनि देशका केही ठाउँमा मौसम बद्ली भइ पानी पर्ने सम्भावना रहेको छ । यो वर्ष गएको पुस २३ गते काठमाण्डौ उपत्यकामा पहिलोपटक हिउँदे वर्षा भएको थियो । त्यसपछि भने लगातार रुपमा पश्चिमी वायु भित्रिरहेको छ ।

नेपालमा हिउँदे वर्षा गराउने पश्चिमी वायू भूमध्य सागरदेखि आउँछ । भूमध्य सागरको माथि बन्ने यो प्रणाली सतहदेखि झन्डै पाँच किलोमिटर माथि हुन्छ । निकै माथि हुने भएकाले यो प्रणाली मनसुनजस्तो बलियो हुँदैन । यसैको प्रभावले उच्च क्षेत्रमा हिमपात र पहाडी क्षेत्रमा वर्षा हुने गर्छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्