चीनबाट ४ हजार गाई ल्याइने: एउटै गाईकाे मूल्य ३ लाख

फागुन १७, २०७५ शुक्रबार १९:५१:४६ | हरि हुमागाईं

मकवानपुर - गरिबी निवारणका लागि दुग्ध विकास परियोजना अन्तरगत तीन नम्बर प्रदेशमा चीनबाट ४ हजार गाई ल्याइने भएको छ ।

प्रदेश नम्बर ३ सरकार र चीनको चाइना एकेडेमी अफ एग्रिकल्चर मेकानाइजेसन साइन्सेसबीच शुक्रबार यस प्रदेशमा गाई तथा दुग्धजन्य क्षेत्रमा सहयोग गर्ने सम्झाैता भएको हो । यस प्रदेशको भूमि व्यवस्था, कृषि तथा सहकारी मन्त्रालयका निमित्त सचिव निर्मल गदाल र साइन्सेसका प्रमुख इन्जिनियर उडिसीङबीच सम्झाैता पत्रमा हस्ताक्षर भएको हो ।

यो सम्झाैतासँगै दिनमा ३० लिटर सम्म दुध दिने नस्ल सुधार भएको गाईलाई यस प्रदेशमा भित्र्याएर गरिबी निवारण गर्ने तयारी भएको तीन नम्बर प्रदेशका आर्थिक मामिला तथा योजना मन्त्री कैलाश ढुंगेलले बताउनुभयो ।

चटीनले गाईमा आधारित दुग्ध डेरी, यसको बजारीकरण, पशु स्वास्थ्य, दाना उद्योग लगायतका क्षेत्रमा सहयोग गर्ने भूमि व्यवस्था, कृषि तथा सहकारी मन्त्री दावा दोर्जे लामाले बताउनुभयो । एक वर्षभित्रमा यस प्रदेशका १३ वटै जिल्लामा अहिलेका गाईभन्दा धेरै दुध दिने गाई भित्रयाउने प्रदेश सरकारको तयारी रहेको मन्त्री ढुंगेलले बताउनुभयो ।

चीनबाट आउने एउटा गाईको मूल्य ३ लाख रुपैयाँसम्म पर्ने बताइएको छ । मुख्यमन्त्री डोरमणि पौडेलको रोहवरमा दुवै पक्षबीच हस्ताक्षर भएको थियो । चीनसँग गरेका कुरा कार्यान्वयन गर्न आफूहरु तयार रहेको मन्त्री लामाले बताउनुभयो ।

कृषि क्षेत्रसँगै अन्य क्षेत्रमा पनि सहयोग पुगोस् भन्ने उदेश्यले काम सुरु गरिएको हो । यो पहिलो सम्झौतासँगै कृषि र पशुको क्षेत्रमा काम गर्न प्रदेश सरकारलाई बाटाे खुलेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्