चीनबाट गाई ल्याउने प्रदेश सरकारको निर्णयको केन्द्रीय दुग्ध सहकारी संघद्वारा विरोध

फागुन २६, २०७५ आइतबार २०:३३:४१ | उज्यालो सहकर्मी

काठमाण्डौ - चीनबाट गाई खरिद गर्ने प्रदेश सरकारको निर्णयको केन्द्रीय दुग्ध सहकारी संघ, नेपालले विरोध गरेको छ ।

प्रदेश ३ सहित अन्य २ वटा प्रदेशले चीनबाट ४ हजार गाई खरिद गरेर ल्याउने सम्झौतामा हस्ताक्षर गरेपछि केन्द्रीय दुग्ध सहकारी संघ, नेपालले त्यसको विरोध गरेको हो ।

नेपालमा रहेका गाईहरुको उचित संरक्षण गरी दूध व्यवसायको प्रवर्द्धन गर्न छाडेर प्रदेश सरकारहरुले विदेशको गाई ल्याउने सम्झौता गरेपछि त्यसको विरोध गर्नु परेको संघका अध्यक्ष नारायणप्रसाद देवकोटाले जानकारी दिनुभयो ।

आइतबार काठमाण्डौमा पत्रकार सम्मेलन गरी उहाँले नेपालमै प्रशस्त मात्रामा दूध दिने गाई हुँदाहुँदै प्रदेश सरकारहरुले चीनबाट गार्ई ल्याउने निर्णय गरेर नेपालका पशु किसानहरुलाई मारमा पार्न खोजेको भन्दै आपत्ति पनि जनाउनु भयो ।

प्रदेश ३ को सरकारले चाइना एकेडेमी कल्चरल मेकानाइजेसन साइन्स (क्याम्स) सँग चीनबाट गाई आयात गर्ने सहमति गरेको थियो । त्यसप्रति संघको आपत्ति छ । संघका अध्यक्ष सापकोटाले नेपालमा दूध दिने गाईको अभाव नभएको स्पष्ट पार्नुभयो ।

उहाँले नयाँ जातको घाँस तथा दूध र दूधको परिकार बनाउनका लागि आवश्यक प्रविधि भित्रयाउन पनि सरकारसँग माग गर्नुभयो ।

प्रदेश ३ को सरकारले नेपाललाई दूधमा आत्मनिर्भर बनाउन भन्दै चार हजार गाई चीनबाट भित्रयाउने सहमति गरेको थियो । सो सहमतिले नेपालको गाई लोप भएर जाने संघको बुझाइ छ । नेपालकै गाईको संरक्षणमा सरकारले आवश्यक बजेटको व्यवस्था गरे दूधको अभाव नहुने संघका अध्यक्ष देवकोटाको भनाइ छ ।

अन्तिम अपडेट: कात्तिक २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्