विप्लव समूहका चार नेता पक्राउ

चैत ६, २०७५ बुधबार ११:३२:४४ | कपिल कोइराला

काभ्रे – प्रहरीले नेकपा माओवादी विप्लव समूहको अपराधिक क्रियाकलापमा संलग्न चारजनालाई पक्राउ गरेको छ ।

काभ्रे जिल्लाको साविक शिखरआम्बोटे गाविस ८ हालको रोशी गाउँपालिका २ काफलेडाँडाबाट मंगलबार साँझ विप्लव समूहका झापाका शिव धिताल, दाङका नृपबहादुर विक, भोजपुरका डिकेन्द्र राई र सिन्धुपाल्चोकका विशाल तामाङलाई पक्राउ गरेको हो । उनीहरुलाई नियन्त्रणमा लिने क्रममा अपराध अनुसन्धान महाशाखा टेकुको टोली र विप्लव समूहबीच गोली हानाहान भएको प्रहरीले जनाएको छ ।

महाभारत लेकमा पर्ने काफलेडाँडा दूर्गममा पर्छ । खानिखोलाको डाँडागाउँ, बेथान्चोकको भुग्देउ महांकाल, रोशीको शिखरआम्बोटे र महाभारतको महादेवटार गरी चारवटा गाउँपालिकाको संगम रहेको त्यस क्षेत्रमा मोबाइल लोकेसनका आधारमा अपराध अनुसन्धान महाशाखाको टोली पुगेको थियो ।

जिल्ला प्रहरी प्रमुख एसपी रविराज खड्कालाईसमेत जानकारी नदिई महाशाखाको टोली विप्लव समूहलाई पक्राउ गर्न पुगेको थियो । महाशाखाको टोली राति ११ बजे फर्किएको थियो । महाशाखाका अनुसार विप्लव समूहको गतिविधिबारे सूचना आएपछि महाशाखाका एसपी सोमेन्द्र राठौर र डीएसपी रुगम कुँवर नेतृत्वको टोली काभ्रे पुगेको थियो ।

देशमा हिंसात्मक गतिविधि बढाएको भन्दै गएको फागुन २८ गते चन्द समूहका गतिविधिमा प्रतिबन्ध लगाउने सरकारले निर्णय गरेको थियो । निर्णयको पालना गर्दै प्रहरी त्यस ठाउँमा पुगेको प्रहरी स्रोतको भनाई छ । जिल्लामा घटना पछि सुरक्षा निकाय उच्च सतर्कता अपनाईएको सुरक्षा निकायले जानकारी दिएको छ ।

प्रमुख जिल्ला अधिकारी कृष्णबहादुर राउतले घटनाबारे जिल्लामा केही थाहा नभएको जानकारी दिनुभयो । घटनाबारे जानकारी नभए पनि जिल्लामा सुरक्षा योजना बनाएर अगाडि जाने उहाँले जानकारी दिनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

कपिल कोइराला

काभ्रेमा बसेर पत्रकारिता गर्ने कपिल कोइराला उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्