‘भारतले लाइभ स्याटेलाइट खसाल्यो, अब भारत पनि अन्तरिक्षको महाशक्ति’

चैत १३, २०७५ बुधबार १३:४३:११ | एजेन्सी

भारतीय प्रधानमन्त्री नरेन्द्र मोदीले देशका नाममा सम्बोधन गर्दै भारत अन्तरिक्षको महाशक्ति बन्ने घोषणा गरेका छन् ।

प्रधानमन्त्री मोदीले भने, ‘केही समयअघि मात्र भारतले अभूतपूर्व सफलता हासिल गरेको छ । भारतले आफ्नो नाम अन्तरिक्ष महाशक्तिको रुपमा दर्ता गरेको छ । विश्वका तीन देश अमेरिका, रुस, चीनले यो उपलब्धि हासिल गरेका थिए, अब यो पंक्तिमा भारत पनि अटाएको छ ।’

भारतले अन्तरिक्षको ३ सय किलोमिटर टाढा लो अर्थ अर्बिट (एलईओ) स्याटेलाइट खसालेको हो । यो भारतको पूर्व निर्धारित लक्ष्य थियो र उसले तीन मिनेटभित्र यसलाई हासिल गरेको हो । मिसन शक्ति निकै कठिन भएको भन्दै प्रधानमन्त्री मोदीले मिशन शक्ति हासिल गर्न सहयोग गर्ने वैज्ञानिकहरुलाई बधाई पनि दिएका छन् ।

मिसन शक्तिलाई रक्षा, अनुसन्धान तथा विकास संगठन (डीआरडीओ) ले मूर्त रुप दिएको हो । यो उपलब्धिपछि भारतलाई प्रतिरोधक क्षमता मिलेको वैज्ञानिकहरुले बताएका छन् । यदि भारतको स्याटेलाइटलाई कसैले नष्ट गर्छ भने भारतले पनि अब त्यस्तै गर्नसक्छ ।

यसअघि प्रधानमन्त्री मोदीले ट्वीट गर्दै देशलाई सम्बोधन गर्ने र महत्वपूर्ण सन्देश दिने बताएका थिए ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्