अनसन बस्न हिँडेका डाक्टर केसीलाई प्रहरीले रोक्यो

असार १६, २०७५ शनिबार ११:४०:१६ | नेत्र शाही

जुम्ला – चिकित्सा शिक्षाको सुधारको माग राखी अनसन बस्न हिँडेका डाक्टर गोविन्द केसीलाई जुम्लामा प्रहरीले रोकेको छ ।

कर्णाली स्वास्थ्य विज्ञान प्रतिष्ठानको हातामा अनसन बस्न हिँडेका उहाँलाई प्रहरीले खलंगाको टुँडिखेलमा नै रोकेको हो । प्रतिष्ठान हाता जान नदिए प्रहरीले रोकेकै ठाउँमा अनसन बस्ने डाक्टर केसीले बताउनुभएको छ र अहिले उहाँ प्रहरीले रोकेकै ठाउँमा बसिरहनु भएको छ । डाक्टर केसी अनसनका लागि आएको थाहा पाएपछि जिल्ला प्रशासन कार्यालयले हिजो बेलुकी विज्ञप्ति निकालेर अनसन बस्न प्रतिबन्ध लगाएको थियो ।

डाक्टर केसीले सरकारले अनसन बस्न प्रतिबन्ध गर्नु एकतन्त्रीय शासनको नमुना भएको भन्दै अनसन बसेरै छाड्ने बताउनुभयो । डाक्टर केसीले प्राकृतिक रुपमा सुन्दर कर्णालीलाई हेला गरेर पछाडि पारिएको भन्दै कर्णालीलाई मेडिकल हब बनाउने योजनासहित प्रतिष्ठानमा एमबीबीएस, एमडीजीपी कार्यक्रम सुरु गर्नु पर्ने मागसहित अनसन बस्न लाग्नु भएको हो ।

राष्ट्रिय चिकित्सा शिक्षा विधेयक तोडमोड गरेर फरक शैलीमा ल्याउन खोजिएको भन्दै १५ औं अनसन बस्न डाक्टर केसी हिजो जुम्ला पुग्नु भएको थियो । उहाँ जुम्ला पुगेकै दिन सरकारले उहाँसँग गरिएका सम्झौता विपरीत काठमाडौंमा पनि नयाँ मेडिकल कलेज खोल्न पाउने गरी चिकित्सा शिक्षा विधेयक अघि बढाएको छ ।

सरकारले संसदमा हिजो दर्ता गरेको यो विधेयक पारित भएमा नेपाल कम्युनिष्ट पार्टीका नेताहरुको लगानी रहेको काठमाडौंको मनमोहन मेमोरियल कलेज र झापाको बी एण्ड सी कलेजले पनि सम्बन्धन पाउने छन् । यसअघि काठमाडौंमा १० वर्षसम्म मेडिकल कलेज खोल्न नपाउने गरी सरकारले डाक्टर केसीसँग सहमति गरेको भए पनि विधेयकमा कलेज खोल्न पाउने व्यवस्था गरिएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्