दूतावासमार्फत यूएईमा ४४ जनाले लिए एनआरएन कार्ड, धेरैले गरेनन् नवीकरण

वैशाख ९, २०७६ सोमबार १३:४८:२ | उमाकान्त पाण्डे

यूएई – नेपाली दूतावास यूएईमार्फत ४४ जनाले गैरआवासीय नेपाली संघ एनआरएनएको सदस्यता कार्ड लिएका छन् ।

३ जना महिला र ४१ जना पुरुषसहित जम्मा ४४ जनाले अहिलेसम्ममा एनआरएनएको सदस्यता लिएको दूतावासकी द्वितीय सचिव तथा सूचना अधिकारी विष्णुकुमारी अधिकारीले बताउनुभयो ।

एनआरएनए सदस्यता कार्ड लिनेको सँख्या बर्सेनि बढिरहे पनि धेरैले नवीकरण नगरेको दूतावासले जनाएको छ । आर्थिक वर्ष ०७३÷०७४ मा १ महिलासहित ११ जना पुरुषले मात्रै एनआरएनए कार्ड लिएका थिए । त्यस्तै ०७४÷०७५ मा २ महिलासहित ११ जनाले लिएका थिए ।

सदस्यता कार्ड लिनेमध्ये अहिलेसम्म ११ जनाले मात्र सदस्यता नवीकरण गरेका छन् । अघिल्लो वर्ष ४ जनाले मात्र नवीकरण गरेका थिए ।

२ सय ७० दिर्हाम अथवा झण्डै आठ हजार दुई सय रुपैयाँ शुल्क तिरेर एनआरएनए कार्ड लिन सकिने र हरेक दुई वर्षमा नवीकरण गर्नुपर्ने कानुनी व्यवस्था छ ।

यूएईमा धेरैजसो व्यवसायीहरुले एनएआरएन कार्ड लिने गरेका छन् । यहाँ व्यवसाय सञ्चालनका लागि नेपालबाट आर्थिक कारोबार गर्न र पैसा ल्याउन केही सहज हुने भएकाले एनआरएनए कार्ड प्रयोग गर्ने गर्छन् ।

सरकारले पररास्ट्र मन्त्रालयमा एनआरएनए महाशाखामार्फत एनआरएनएलाई हेर्ने व्यवस्था गरेको र त्यही अनुरुप विदेशस्थित नेपाली नियोगबाटसमेत एनआरएनए कार्ड लिन सक्ने कानुनी व्यवस्था रहेको छ ।

राष्ट्रिय समन्वय परिषदमा २५ सय सदस्य

राष्ट्रिय समन्वय परिषदमार्फत एनआरएनए यूएईको सदस्यता लिनेको संख्या भने धेरै छ । एनआरएनए यूएईका अध्यक्ष रमेश श्रेष्ठका अनुसार आइसीसीको विधानअनुसार हाल २५ सय जनाले एनआरएनएको सदस्यता लिएको र त्यसमा १५ प्रतिशत महिला सदस्य छन ।

वैदेशिक रोजगारमा महिलाको संख्या थोरै भएको तथा खाडीका देशमा घरेलु कामदारका रुपमा धेरै महिला रहेका कारण पनि एनआरएनएमा महिला सहभागिता न्यून रहेको श्रेष्ठको भनाइ छ ।

यूएईएईमा सन् २००५ मा एनआरएनए गठन भएको हो । अहिले यहाँको सरकारी निकायमार्फत नेपाली एशोसिएसनका रुपमा संस्थाले कानुनी मान्यता पाएको छ । एनआरएनए आईसीसीको विधानमा सार्क देशभन्दा बाहिरका देशमा दुई वर्षभन्दा धेरै समय बस्नेलाई सदस्यता प्रदान गर्न सक्ने प्रावधान छ ।

अन्तिम अपडेट: पुस १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्