एसएस राजामौलीको चलचित्र ‘आर आर आर’ मा श्रद्धा कपूर नखेल्ने

वैशाख १०, २०७६ मंगलबार १५:१२:५९ | एजेन्सी

अभिनेत्री श्रद्धा कपूर निर्देशक एसएस राजामौलीको फिल्म ‘आर आर आर’ मा काम गर्नका लागि दौडधुप गरिरहेकी थिइन् ।

हलिउड अभिनेत्री डेजी एडगर आउट भएपछि मेगा बजेटमा निर्माण भइरहेको यस फिल्ममा एक विशेष भूमिकाको लागि अभिनेत्री श्रद्धा कपूर रहने चर्चा चलिरहेको थियो । तर अब भने अभिनेत्री श्रद्धा कपूर यस फिल्ममा नरहने चर्चा भइरहेको छ ।

त्यस भूमिकाको लागि श्रद्धा कपूरको नामको चर्चा भए पनि उनी अहिले अन्य फिल्मको काममा व्यस्त भएकै कारण यस फिल्मबाट बाहिरिएकी छिन् । श्रद्धा कपूर अभिनेता प्रभाससँगको फिल्म ‘साहो’ को छायाँकनमा व्यस्त छिन् । यसपश्चात उनी ‘स्ट्रीट डान्सर’ र ‘बागी ३’ को छायाँकंन सुरु गर्नेछिन् ।

फिल्म ‘आर आर आर’ बाट श्रद्धा कपूर आउट भएसँगै फिल्म निर्माताहरु अर्की अभिनेत्रीको खोजीमा छन् । फिल्म निर्माण टिम केही दिन भित्रै छायाँकंनको काम सुरु गर्न खोजिरहेका छन । यसैबीच श्रद्धा कपूरले निर्वाह गर्ने भूमिकाका लागि अभिनेत्री परिणीति चोपडाको चर्चा भइरहेको छ ।

मिडियामा आएका खबरहरुका अनुसार अब परिणीति चोपडालाई फिल्ममा लिन सकिने बताइएको छ । तर यस कुराको आधिकारिक जानकारी भने सार्वजनिक भइसकेको छैन ।

यस फिल्ममा जुनियर एनटीआर र राम चरण मुख्य अभिनेता रहनेछन् । आलिया भट्ट फिल्मकी मुख्य अभिनेत्री हुनेछिन् भने अजय देवगनको पनि महत्वपूर्ण भूमिका रहनेछ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्