दीपशिखा : वाईसिएल अध्यक्षदेखि युवा संगठनकाे संयाेजकसम्म

जेठ २, २०७६ बिहीबार २०:३३:४६ | उज्यालो सहकर्मी

काठमाण्डौ – नेपाल कम्युनिष्ट पार्टीको बिहीबार बसेको सचिवालय बैठकले युवा संगठनको संयोजकमा रामप्रसाद सापकोटा ‘दीपशिखा’को नाममा सहमति जुटाएको छ ।

तत्कालीन एमाले र माओवादी केन्द्रबीच औपचारिक एकता हुँदा एक वर्ष अघि युवा संगठन विघटित भएको थियो । दुवै दलबीच गएको जेठ तीन गते औपचारिक एकता भएको थियो ।

एक वर्षपछि पार्टीको औपचारिक एकता भएकै दिनमा युवा संगठन लगायत जनवर्गीय संगठनहरुको जिम्मेवारी तोक्ने गरी नेकपाको सचिवालय बैठकले नाम टुंगो लगाएको हो ।

एक वर्षसम्म विगठन गरिएका जनवर्गीय संगठन पुनर्गठन नगरेको भन्दै नेतृत्वको आलोचना हुँदै आएको थियो । पार्टी एकता भएको एक वर्षको उपलक्ष्यमा जनवर्गीय संगठनको नेतृत्व टुंगो लगाउने गरी बिहीबार बसेको नेकपाको सचिवालय बैठकले विघटित जनवर्गीय संगठनको नेतृत्व टुंगो लगाएको हो ।

प्रधानमन्त्री निवास बालुवाटारमा बसेको सचिवालय बैठकले तत्कालीन एमाले र माओवादीको भागवण्डाका आधारमा जनवर्गीय संगठनको संयोजक र सहसंयोजक तोकेको हो ।

युवा संगठनको जिम्मेवारी पाउन लागेका दीपशिखा २०७४ भदौ ४ गते तत्कालीन माओवादी केन्द्रको युवा संगठन (योङ कम्युनिष्ट लिग) वाईसीएलको अध्यक्षमा चुनिएका थिए । त्यसअघि भने दीपशिखा वाईसिएलको प्रवक्तामा थिए । तत्कालीन माओवादीका लागि वाईसीएल ब्याक बोनको रुपमा रहेको थियो ।

नेकपाको सचिवालय बैठकले युवा संगठनको सह–संयोजकमा भने रमेश पौडेलको नाममा सहमति जुटाएको छ । पौडेल एमाले निकट युवासंघको अध्यक्ष हुन् । त्यसअघि राजिव पहारी युवासंघको अध्यक्ष थिए ।

अन्तिम अपडेट: माघ १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्