पाकिस्तान क्रिकेट बोर्डले तीव्र गतिका बलर मोहम्मद आमिरलाई विश्वकपका लागि बोलायो

जेठ ३, २०७६ शुक्रबार १६:६:३९ | एजेन्सी

पाकिस्तानका तीव्र गतिका बलर मोहम्मद आमिर विश्वकपका लागि टिममा परेका छन् । इंग्ल्याण्डविरुद्धको सिरिजमा पाकिस्तानी बलरहरु चल्न नसकेपछि विकल्पको रुपमा आमिरलाई पछिल्लो समय टिममा बोलाइएको हो ।

एक टी–२० र दुई वटा एक दिवसीय क्रिकेटमा पाकिस्तानी बलरमाथि इंग्लिस ब्याट्सम्यानहरु हावी भएपछि विकल्पको रुपमा आमिरलाई बोलाउन पाकिस्तान क्रिकेट बोर्ड सहमत भएको हो ।

खराब फर्मका कारण यसअघि उनी पाकिस्तानी टिममा अटाएका थिएनन् । साथै उनी बिरामी भएकाले पनि त्यतिबेला छान्न नसकिएको पीसीबीले जनाएको थियो । अब उनी इंग्ल्याण्डमा उपचार गरेपछि टिमका लागि विश्वकप अघि उपलब्ध हुने जनाइएको छ । पाकिस्तानी कप्तान सर्फराज अहमद र मुख्य कोच मिकी आर्थरले पनि आमिर आउँदा बलिङ लाइन थप बलियो हुने बताएका छन् ।

पाकिस्तानी क्रिकेट टिमका मुख्य चयनकर्ता इन्जमाम उल हक आमिरलाई बोलाउन तयार भए पनि उनको स्वास्थ्य रिपोर्ट पछि मात्रै बोल्ने बताएका छन् । यसैगरी विश्वकपको टिममा आशिफ अलीलाई पनि बोलाउन जनाइएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्