मुख्यमन्त्रीद्वारा कपिलवस्तु संग्रहालयको अवलोकन

जेठ ६, २०७६ सोमबार १२:३४:१९ | उज्यालो सहकर्मी

कपिलवस्तु – प्रदेश ५ का मुख्यमन्त्री शंकर पोखरेलले कपिलवस्तु संग्रहालयको अवलोकन गर्नुभएको छ । लुम्बिनी भ्रमण वर्ष २०७६ का अवसरमा कपिलवस्तु भ्रमणमा रहनुभएका मुख्यमन्त्री पोखरेलले संग्रहालयमा राखिएका ऐतिहासिक तथा पुरातात्विक महत्वका वस्तुहरुको अवलोकन गर्नुभएको हो ।

गौतम बुद्धको प्राचीन प्रशासनिक राजदरबार क्षेत्र तिलौराकोटको अवलोकन पछि मुख्यमन्त्री पोखरेलले तिलौराकोटसँगै रहेको कपिलवस्तु संग्रहालयको पनि अवलोकन गर्नुभएको थियो ।

संग्रहालयमा तिलौराकोट, गोटिहवा, कुदानलगायतका पुरातात्विक स्थलहरुको उत्खनन्पछि प्राप्त प्राचीन वस्तुहरु संग्रह गरी राखिएको छ । जिल्लाका पुरातात्विक स्थलहरु तिलौराकोट, कुदान, गोटिहवा, निग्लिहवा, अरौराकोट, सोनवा गढ, सिसहनियालगायतका स्थलहरुको बारेमा संग्रहालयमा पुरातात्विक वस्तु, जानकारीमूलक फोटो तथा विवरणहरु पनि राखिएको छ ।

अवलोकनका क्रममा प्रदेश ५ को उत्कृष्ट गन्तव्यको रुपमा रहेको प्राचीन कपिलवस्तु क्षेत्रको विकासका लागि प्रदेश सरकार पूर्ण प्रतिबद्ध भएर लागेको उहाँले बताउनुभयो ।

अन्तिम अपडेट: माघ १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्