लोकसभा चुनाव सकिएसँगै मोदीको चुनाव प्रचारक टिभी च्यानल 'नमो टिभी' गायब

जेठ ७, २०७६ मंगलबार १५:१:९ | एजेन्सी

लोकसभा चुनाव सुरु हुनुभन्दा केही दिन पहिले सञ्चालनमा आएको नमो टिभी अन्तिम चरणको मतदान सकिनुभन्दा दुई दिन अगाडि बन्द भएको छ ।

२६ मार्चमा लन्च भएको विवादित नमो टिभी अहिले टिभी सेटबाट एकाएक हराएको छ । भाजपासँग सम्बन्धित एक सुत्रका अनुसार लोकसभा चुनावका सबै प्रचार अभियानहरु सकिएपछि मे १७ मा यो च्यानल बन्द गरिएको छ ।

नाम नखुलाउने सर्तमा एक भाजपा नेताले भने, ‘नमो टिभी लोकसभा चुनावमा विजेपीको लागि चुनावी अभियानको प्रमुख हिस्सा थियो । चुनाव सकिएपछि त्यसको आवस्यकता नै भएन र बन्द गरियो ।’

भिडियोकोन, टाटा स्काई तथा डिश टीभी जस्ता डीटीएच अपरेटरले नमो टीभीलाई नि:शुल्क प्रसारण गरिरहेका थिए ।

चुनावी समयमा यसरी टिभी सञ्चालन गरेको भन्दै चुनाव आयोगमा गुनासो बढेको थियो । तर पनि यो च्यानल र भाजपा प्रधानमन्त्री नरेन्द्र मोदीविरुद्ध कुनै कारबाही गरिएन । विपक्षीले यस च्यानललाई चुनावी अभियानमा प्रोपोगाण्डा फैलाउने उद्देश्यले सञ्चालन गरिएको भन्ने आरोप समेत लगाएका थिए ।

दिल्लीका प्रमुख निर्वाचन अधिकारीले च्यानल बन्द भएपछि पनि नमो टीभीलाई चुनावी सामग्री प्रसारित गरेको भन्दै नोटिस पठाएका थिए ।

अप्रिलमा चुनाव आयोगले नमो टीभीमा प्रसारणको लागि रेकर्ड गरिएका कार्यक्रमहरु पूर्व प्रमाणित गर्नुपर्ने भन्ने निर्देशन दिएको थियो । यस्तै दिल्ली निर्वाचन आयोगले पनि आयोगबाट प्रमाणित नगरेसम्म कुनै पनि कार्यक्रम प्रसारण गर्न नमिल्ने निर्देशन दिएको थियो ।

अप्रिल ११ को चुनाव आयोगको निर्देशनअनुसार नमो टीभी भाजपालाई दिइएको एक प्लेटफर्म सेवा हो । आयोगको निर्देशनले आयोगका अधिकारीको अनुमतिबिना कुनै पनि कार्यक्रम प्रसारण गर्न नपाइने बताएको थियो ।

यस्तै नमो टिभीले एनएसएस ६ स्याटालाइटको प्रयोग गरेको बारे पनि भारतीय प्रसारण कानुनलाई लिएर प्रश्न उठाइएको थियो । प्राप्त जानकारीका अनुसार प्रधानमन्त्रीको प्रचारका लागि प्रयोग गरिएको च्यानलले आफ्नो प्रयोजनको लागि लाइसेन्सबिनाको स्याटेलाइट प्रयोग गरेको थियो ।

The day we were most looking forward to is here!

At 5 PM, lakhs of Chowkidars from different parts of India will interact in the historic #MainBhiChowkidar programme.

This is an interaction you must not miss.

Watch it live on the NaMoApp or NaMo TV. pic.twitter.com/XXKkLUuE7X
— Chowkidar Narendra Modi (@narendramodi) March 31, 2019

एबीपी न्यूज च्यानलमा बोल्दै नरेन्द्र मोदीले आफूले नमो टिभी नहेरेको दाबी गरेका थिए । तर च्यानलको उद्घाटन भएको दिन नमो टिभी सबैलाई हेर्न आह्वान गर्दै प्रधानमन्त्री आफैले ट्वीट गरेका थिए ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्