आफ्नो कारणले उडान ढिला भएको भन्दै मेक्सिकन मन्त्रीले दिइन् राजीनामा

जेठ १२, २०७६ आइतबार १५:३६:२३ | एजेन्सी

नेपालमा भीआईपी र भीभीआईपीका सवारीलाई संस्कृतिका रुपमै विकास गर्दै लगिएको छ । भीभीआईपीको सवारी हुँदा बाटो मात्रै होइन, आकाश नै पनि एक दुई घण्टा खाली गर्ने चलन बढ्दो छ । कतिपय घटनामा त नागरिकले भीभीआईपी सवारी अवज्ञासमेत गर्नु परेको छ ।

यस्तो अवस्थामा आफ्नो कारणले अरु उडानमा अवरोध पुगेको भन्दै मेक्सिकोका वातावरण मन्त्रीले राजीनामा दिएको समाचार सार्वजनिक भएको छ । मेक्सिकोकी वातावरण मन्त्री जोसेफा गोञ्जालेज ब्लान्कोले आफूले गर्दा फ्लाइट डिले भएको भन्दै राष्ट्रिपतिसमक्ष राजीनामा दिएकी छिन् । उनलाई पर्खँदा उडान ढिला भएको भन्दै सामाजिक सञ्जालमा मन्त्रीको चर्को आलोचना भएपछि उनले राजीनामा दिएकी हुन् ।

गएको डिसेम्बर १ देखि मेक्सिकोको सत्ता सम्हालेका राष्ट्रपति आन्द्रेस म्यानुएल लोपेज ओब्राडोरले भ्रष्टाचारमुक्त सरकारको वाचा गरेका छन् । राष्ट्रपतिसमक्ष राजीनामा बुझाएकी मन्त्रीले लेखेकी छिन्, ‘यसमा कुनै सफाइ आवश्यक नै छैन । एकजनाको फाइदाका लागि धेरैलाई समस्यामा पार्नु गलत कुरा हो । मेक्सिकोको रुपान्तरणका लागि साँचो अर्थमा समानता र न्यायको कुरा लागु हुनुपर्छ ।’ मन्त्रीका कारण उडानमा आधा घण्टा ढिला भएको थियो ।

चार दिनअघि मात्रै मेक्सिकन सोसल सेक्युरिटी इन्स्टिच्यूटका प्रमुख जर्मन मार्टिनेज काजारेसले राजीनामा दिएका थिए । उनले स्वास्थ्य खर्चमा कटौती गरेको भन्दै आलोचना भएको थियो ।

La transformación de México comienza por la convicción personal y la congruencia de nuestros actos. Por eso, he presentado mi renuncia al Presidente López Obrador. Agradezco la oportunidad de servir a México y lo seguiré haciendo desde otras trincheras.
— Josefa Gonzalez Blanco Ortiz Mena (@Josefa_GBOM) May 25, 2019

मेक्सिकोकी वातावारण मन्त्रीले आफूले पदीय जिम्मेवारी र जवाफदेहिताको कारण देखाउँदै राजीनामा दिएको बताएकी छिन् । यसअघि चर्को आलोचना भए पनि जवाफदेहिताका लागि भन्दै राजीनामा दिएपछि भने सर्वत्र उनको प्रशंसा भैरहेको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्