हंगेरीमा डुंगा पल्टिँदा कम्तीमा सात जनाको मृत्यु, १९ जना बेपत्ता

जेठ १६, २०७६ बिहीबार १२:१:४६ | एजेन्सी

हंगेरीको राजधानी बुडापेस्टको डेन्यूब नदीमा डुंगा पल्टिँदा कम्तीमा सात जनाले ज्यान गुमाएका छन् भने १९ जना हराइरहेका स्थानीय सञ्चारमाध्यमहरुले जनाएका छन् ।

समाचार संस्था एमटीआईका अनुसार, डुंगामा ३३ जना मानिसहरु थिए, ती मध्ये धेरै दक्षिण कोरियाका पर्यटक थिए । त्यो डुंगालाई अर्काे डुंगाले ठक्कर दिएको थियो । यो दुर्घटना स्थानीय समय अनुसार, रातिको १० बजे भएको हो ।

डुबेको डुंगालाई हेबलेनी को रुपमा पहिचान गरिएको छ । डेन्यूब नदी पर्यटकहरुका लागि एक आकर्षक गन्तव्य हो । डुंगामा ४५ जनाको क्षमता रहेको अधिकारीहरुले जनाएका छन् ।

दक्षिण कोरियाको विदेश मन्त्रालयले १९ जना कोरियाली नागरिक हराइरहेको र उद्धारका लागि एक टोली पठाइने बताएको छ । दक्षिण कोरियाको सियोलका प्रवक्ताले डुंगा दुर्घटनामा कम्तीमा एक जना बालक हराइरहेको जानकारी दिए ।

अहिले डेन्यूब नदीमा हराइरहेका मानिसहरुको खोजी कार्य जारी छ र डेन्यूब नदीको दक्षिणमा डुंगा पनि चलेका छैनन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्