प्रदेश ३ मा बजेट बनाउने चटाराे, बिहानैदेखि साँझ अबेरसम्म पनि कर्मचारीलाई भ्याइ नभ्याइ

जेठ २७, २०७६ सोमबार ७:२५:११ | हरि हुमागाईं

मकवानपुर - प्रदेश नम्बर ३ को आर्थिक मामिला तथा योजान मन्त्रालयले आगामी आर्थिक बर्षका लागि बजेट ल्याउने अन्तिम तयारीमा जुटेको छ ।

बजेटको तयारीका लागि मन्त्रालयका कर्मचारीहरु बिहानको झिसमिसेदेखि साँझ अबेरसम्म काममा खटिएका छन् । चालु आर्थिक बर्षमा पूँजीगत रकम खासै खर्च गर्न नसकेको प्रदेश सरकारले आगामी आर्थिक बर्षका लागि चालु बर्ष भन्दाबढी रकमको बजेट ल्याउने तयारी गरेकाे छ ।

बजेटका लागि सातवटै मन्त्रालयमा पठाइएको बजेट सिलिङ अनुसार आगामी बर्षभरी गरिने कामका योजना छनौट गरी आईसकेको आर्थिक मामिला तथा योजना मन्त्री कैलाश प्रसाद ढुङ्गेलले बताउनुभयो ।

चालुबर्षमा समेट्न नसकिएका योजनाहरु आगामी बजेटमा समेट्ने तयारी भएको उहाँले बताउनुभयो । बजेट कती रकमको ल्याउन लागेको भन्ने उहाँले खुलाउन चाहनुभएन । सबैभन्दा बढी रकम भौतिक पूर्वाधारका क्षेत्रमा खर्च गरिने उहाँको भनाई छ । प्रदेशका गौरवका योजनाहरु छनौट गरेर बजेट तयार पार्ने काम भइरहेकाे पनि उहाँले बताउनुभयाे ।

असार १ गते ल्याइने बजेटमा चालु आर्थिक बर्षमाभन्दा आगामी आर्थिक बर्षमा चालु खर्च समेत बढ्ने अनुमान गरिएको छ । पहिले कर्मचारी अभावका कारण चालु खर्च पनि थोरै भएको प्रदेश ३ मा आगामी आर्थिक बर्षमा भने चालु खर्च पनि बढ्ने देखिन्छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्