‘सारेगमप’ मा चाैथाे भएका आयुष केसीलाई १ लाख पुरस्कारसहित भक्तपुरमा सम्मान

जेठ २८, २०७६ मंगलबार १७:४५:४४ | उज्यालो सहकर्मी

भक्तपुर - भारतीय टेलिभिजन जी टीभीको रियालिटी सो सारेगमपमा चौथो हुन सफल आयुष के.सी.लाई नगद एक लाख रुपैयाँसहित सम्मान गरिएको छ ।

सूर्यविनायक नगरपालिका-४, दधिकोटमा रहेकाे मोडर्न स्कुलले साेमबार आयोजना गरेको सम्मान कार्यक्रममा स्कुलका प्रमुख बाबुकाजी कसपाल तथा प्राचार्य अनिल कसपालले एक लाख रुपैया सहित सम्मान गर्नुभएको हो ।

आयुष यसै विद्यालयमा कक्षा ८ मा अध्ययनरत विद्यार्थी हुन् ।

सारेगमप लिटल च्याम्प्सको २०१९ को संस्करणमा भाग लिएका केसी र प्रितम आचार्य फाइनलमा पुगेका थिए भने आचार्य तेस्रो र केसीले चौथो स्थानमा आउन सफल भएका थिए । प्रतियाेगितामा भारतकी सुगन्धा प्रथम तथा भारतकै माेहम्मद फैज द्वितीय भएका थिए । केसीले कार्यक्रममा नेपाली तथा हिन्दी गीत गाउनुका साथै नृत्य समेत प्रस्तुत गरेका थिए ।

कार्यक्रममा सूर्यविनायक नगरपालिकाका नगर प्रमुख बासुदेव थापाले नेपालबाट भारतको रियालिटी शोमा भाग लिएर केसी र आचार्यले देशको नाम उच्च राख्न सफल भएको भन्दै प्रशंसा गर्नुभएको थियो ।

त्यस अवसरमा जिल्ला शिक्षा इकाइका प्रमुख खेमनाथ पोखरेल, प्राचार्य कसपाल, सूर्यविनायक नगरपालिका-४, का वडाध्यक्ष उत्तम थापालगायतले नेपाली प्रतिभाको बारेमा चर्चा गर्दै राज्यले संरक्षण गर्नुपर्ने बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्