सलमान खानको लागि रोहित शेट्टीले 'सूर्यवंशी' को प्रदर्शन मिति पछि सारे

जेठ २९, २०७६ बुधबार १९:१९:८ | उज्यालो सहकर्मी

सन् २०२० को इदको अवसरमा अभिनेता सलमान खान र अक्षय कुमारको चलचित्र जुध्ने पक्का थियो । तर हालै सार्वजनिक खबर अनुसार, यी दुई अभिनेताबीचको टक्कर टरेको छ ।

बलिउडका खेलाडी अक्षय कुमार अभिनित फिल्मका निर्देशक रोहित शेट्टीले सलमान खानका कारण चलचित्र ‘सूर्यवंशी’ को प्रदर्शन मिति परिवर्तन गरिदिएका छन् ।

अभिनेता सलमान खान १२ वर्षपछि सञ्जय लीला भन्सालीसँगै चलचित्र ‘इन्शाअल्लाह’ मा काम गरिरहेका छन् । चलचित्रमा सलमान खानको जोडीको रुपमा अभिनेत्री आलिया भट्ट हुनेछिन् ।

‘इन्शाअल्लाह’ का निर्माताहरुले चलचित्रको प्रदर्शन मिति सन् २०२० को इदमा तय गरिसकेका छन् । यस कारण सलमान खान इदकै अवसरमा रिलिज हुने भनिएको फिल्म ‘सूर्यवंशी’ को प्रदर्शन मिति परिवर्तन गराउने कोसिसमा थिए ।

सलमान खानको अनुरोधपछि ‘सूर्यवंशी’ का निर्देशक रोहित शेट्टीले आफ्नो चलचित्रको प्रदर्शन मिति परिवर्तन गरेका छन् । त्यसपछि सलमान खानले सामाजिक सञ्जाल ट्विटरमार्फत रोहित शेट्टीलाई धन्यवाद दिँदै ‘सूर्यवंशी’ काे नयाँ मिति सार्वजनिक गरेका छन् ।

सलमानले लेखेका छन् ‘म सधैँ सोच्थेँ, उ मेरो सानो भाइ हो र अहिले उसले त्यो कुरा सावित गरिदिएको छ । ‘सूर्यवंशी’ २०२० मार्च २७ मा रिलिज हुनेछ ।’

— Salman Khan (@BeingSalmanKhan) June 12, 2019

’सिंघम’ सिरिजको चौथो चलचित्र ‘सूर्यवंशी’ सन् २०२० मार्च २७ मा प्रदर्शन हुनेछ । रोहित शेट्टीको यो चलचित्रमा अक्षय कुमारका साथै कट्रिना केफको पनि मुख्य भूमिका हुनेछ ।

अक्षय कुमारले यो चलचित्रमा प्रहरीको भूमिका निर्वाह गर्नेछन् । रोहित शेट्टीको निर्देशनमा बन्ने ‘सूर्यवंशी’ को निर्माण करण जोहरले गर्नेछन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्