प्रधानमन्त्री ओली पेरिसमा

जेठ ३०, २०७६ बिहीबार १२:१५:५७ | उज्यालो सहकर्मी

बेलायतको तीन दिने औपचारिक भ्रमण सकेर प्रधानमन्त्री ओली बिहीबार फ्रान्सको पेरिस पुग्नु भएको छ ।

फ्रान्सको तीन दिने औपचारिक भ्रमणका क्रममा पेरिस पुग्नु भएका प्रधानमन्त्री ओलीलाई पेरिसको रेल्वे स्टेसनमा नेपालका लागि फ्रान्सेली राजदूत फ्रांस्वा जेभियर लेगर तथा फ्रान्सका लागि नेपाली राजदूत दीपक अधिकारीले स्वागत गर्नुभएको थियो ।

प्रधानमन्त्री केपी शर्मा ओलीसहितको भ्रमण टोली बेलायतबाट रेल चढेरै पेरिस गएको थियो । बिहीबार दिउँसो प्रधानमन्त्री ओलीले फ्रान्सेली व्यवसायीहरुलाई सम्बोधन गर्ने कार्यक्रम रहेको परराष्ट्र मन्त्रालयले जनाएको छ ।

साँझ प्रधानमन्त्री ओलीको सम्मानमा पेरिसमा रहेको नेपाली राजदूतावासमा राजदूत दीपक अधिकारीले रात्रि भोजको आयोजना गर्नुहुने भएको छ ।

प्रधानमन्त्री ओलीको भ्रमण टोलीमा उहाँकी धर्मपत्नी राधिका शाक्य, परराष्ट्र मन्त्री प्रदीप ज्ञवाली, प्रधानमन्त्रीका राजनीतिक सल्लाहकार विष्णु रिमाललगायतका उच्च पदस्थ सरकारी अधिकारीको सहभागिता रहेको छ ।

अन्तिम अपडेट: माघ १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्