विप्लव नेतृत्वकाे नेकपाका जिल्ला इञ्चार्ज चन्द्रवीर पुनः पक्राउ

जेठ ३०, २०७६ बिहीबार १२:२७:५ | नेत्र शाही

जुम्ला - नेत्रविक्रम चन्द(विप्लव) नेतृत्वको नेपाल कम्युनिष्ट पार्टीका जुम्ला जिल्ला इञ्र्चाज चन्द्रवीर तिरुवा (रविकरण) लाई प्रहरीले पुनः पक्राउ गरेको छ ।

बुधबार राति सिञ्जा गाउँपालिका – २ घरबाट प्रहरीले पक्राउ गरिएको प्रहरी नायब उपरीक्षक सिताराम रिजालले जानकारी दिनुभयो । राति घरमा सुतिरहेको अवस्थामा प्रहरी गएर पक्राउ गरेको आफन्तको आरोप छ । प्रहरीले पक्राउ गरेर जिल्ला प्रहरी कार्यालय हिरासतमा राखेको छ ।

प्रहरी नायब उपरीक्षक रिजालका अनुसार आवश्यक अनुसन्धानका लागि चन्द्रवीरलाई पक्राउ गरिएको बताउनुभयो । रविकरणलाई प्रहरी हिरासतमा राखेर अनुसन्धान भईरहेको उहाँले थप्नुभयो ।

चन्द्रवीर तिरुवाले भने यो पटक प्रहरीले मर्यादित तरिकाले पक्राउ गरेको तर भर्खरै जेलवाट फर्केकाले स्वास्थ्य राम्रो नभएकै पक्राउ गरिएको पत्रकार र मानव अधिकारकर्मीलाई गुनासो गर्नुभयो । उहाँले मध्यरात प्रहरीको साथ घरबाट आउँदा परिवार चिन्तित भएको बताउनुभयो ।

यसअघि आफू काठमाण्डौको सुन्धाराबाट पक्राउ भई २४ दिन टेकु हिरासत र १२ दिन केन्द्रीय कारागारमा बसेको बताउनुभयो । जिल्ला अदालत काठमाण्डौमा ६० हजार रुपैयाँ धरौटी तिरेर जेठ १ गते रिहा भएको रविकिरणले बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्