काठमाण्डौमा आन्दोलनको हुरी चल्दैछ : कांग्रेस सांसद प्रधान

जेठ ३०, २०७६ बिहीबार १२:५८:४२ | उज्यालो सहकर्मी

काठमाण्डाै - प्रमुख प्रतिपक्षी दल नेपाली कांग्रेसका सांसद भीमसेनदास प्रधानले गुठीसम्बन्धी विधेयक संविधानविपरीत भएको भन्दै तत्काल फिर्ता लिन सरकारको ध्यानाकर्षण गराउनुभएको छ ।

प्रतिनिधिसभाको बिहीबारको बैठकमा बोल्दै उहाँले संविधानले गरेको व्यवस्थाविपरीत सरकारले गुठीसम्बन्धी विधेयक ल्याएको दाबी गर्नुभयो । राजधानीमा गुठीसम्बन्धी विधेयकलगायत सरकारले संविधानविपरीत ल्याएका विधेयकविरुद्ध काठमाण्डौमा दिनहुँ विरोध प्रर्दशन र आन्दोलनहरु भैरहेको भन्दै उहाँले समयमै सच्चिन सरकारलाई चेतावनी दिनुभयो ।

उहाँले भन्नुभयो, 'काठमाण्डौमा आन्दोलनको हुरी चल्दैछ । बादल गर्जिँदै छ दिनका दिन आन्दोलनको । विधेयक तुरुन्तै फिर्ता गरी सरोकारवालाकाे मागअनुसार विधेयक संशाेधन नगरे आन्दोलन चर्किन्छ र त्यो आन्दोलनले कहाँ पुर्‍याउँछ भनेर भन्न सकिन्न ।'

काठमाण्डौ उपत्यकावासीको आन्दोलन कुनै पनि शक्तिले थेग्न नसक्ने भन्दै उहाँले समयै सचेत हुन सरकारको गभ्भीर ध्यानाकर्षण गराउनुभयो । उहाँले भन्नुभयो, 'काठमाण्डौका जनता उठेपछि कुनै पनि शक्तिले रोक्न सक्दैन । हेक्का राख्नुहोस् अहिले केपी शर्मा ओलीको सरकार ढल्ने भन्ने चिन्ता होइन । संविधानप्रति नै जनताले अनास्था गर्लान् भन्ने चिन्ता हो । काठमाण्डौका जनता जुरुक्क उठेपछि राजतन्त्र फालियो ।'

गुठीसम्बन्धी विधेयकमार्फत सरकारले ऐतिहासिक, पुरातात्विक महत्व, धर्म, संस्कृति र सम्पदामाथि धावा बोल्ने काम गरेको आरोप उहाँले लगाउनुभयो ।

सभामुख कृष्ण बहादुर महराले बिहीबारको बैठक प्रारम्भ भएको जानकारी गराएलगत्तै नेपाली कांग्रेस र राजपाका सांसदहरुले उभिएर सभामुखको ध्यानाकर्षण गराएपछि उहाँले भीमसेनदास प्रधानलाई बोल्नका लागि समय दिनुभएको थियो ।

अन्तिम अपडेट: माघ १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्