दोस्रो पटक राष्ट्रपति बन्न ट्रम्पको चुनावी अभियान सुरु, गैरकानुनी प्रवासीको मुद्दा नै प्रमुख

असार ४, २०७६ बुधबार १८:४८:३० | उज्यालो सहकर्मी

अमेरिकी राष्ट्रपति डोनाल्ड ट्रम्पले दोस्रोपटक राष्ट्रपति बन्नका लागि चुनावी अभियानको औपचारिक सुरुवात गरेका छन् ।

चुनावी अभियानमा राष्ट्रपति ट्रम्पले फ्लोरिडामा आयोजित समर्थकहरुको र्‍यालीलाई सम्बोधन गरेका छन् । यस पटक पनि ट्रम्पको प्रचार अभियानमा गैर-कानुनी प्रवासीको मुद्दा प्रमुख छ ।

राष्ट्रपति ट्रम्पले डेमोक्रेटिक पार्टीका सदस्यहरुलाई निशाना बनाउँदै भने, ‘ उनीहरु तपाईंको देशलाई टुक्रा-टुक्रा गर्ने कोसिस गरिरहेका छन् ।' ट्रम्पले भनेका छन्, ‘आज राति म तपाईंँहरुको अघि राष्ट्रपतिको दोस्रो कार्यकालको लागि आधिकारिक चुनावी प्रचारप्रसारको सुरुवात गर्दैछु । तपाईंँहरुलाई म कहिल्यै पनि असहज अवस्था आउन दिनेछैन ।’

राष्ट्रपति ट्रम्पलाई फ्लोरिडामा निकै टक्कर छ । सन् २०१६ मा पनि उनले निकै कम अन्तरबाट चुनाव जितेका थिए ।

‘हामीलाई भरोसा छ कि हाम्रो देश कानुनलाई अनुसरण गर्ने मानिसहरुको देश हो न कि अपराधिक गतिविधिको एजेन्ट’, राष्ट्रपति ट्रम्पले डेमोक्रेट सदस्यहरुमाथि गैरकानुनी प्रवासीहरुलाई वैधता दिएको आरोप लगाउँदै भनेका छन्, ‘उनीहरु तपाईंको देशलाई नष्ट गर्न खोजिरहेका छन् ।’

ट्रम्पले डेमोक्रेटलाई भोट दिनु भनेको परिवर्तित समाजवाद र अमेरिकी सपनाको सत्यनाश हुनु भनेका छन् । साथै उनले अमेरिकालाई फेरि एक पटक महान बनाउने विश्वास व्यक्त गरेका छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्