पछिल्लो समय ‘छुल्याइँ’ लाई राजनीतिको रुपमा बुझ्ने संस्कृति विकास हुँदै गयाे: नेकपा नेता बिडारी

असार ७, २०७६ शनिबार १९:५४:१७ | उज्यालो सहकर्मी

काठमाण्डाै - सत्तारुढ दलका नेता राम नारायण बिडारीले पछिल्लो समय राजनीतिप्रति जनताको दृष्टिकोण नकारात्मक बन्दै गएको बताउनुभएको छ ।

थाहा दर्शनका प्रवर्तक, दार्शनिक तथा जनमुखी व्यक्तित्व रुपचन्द्र बिष्टको २० औ स्मृति दिवसको अवसरमा शनिबार आयोजित कार्यक्रमलाई सम्बोधन गर्दे उहाँले रुपचन्द्रले परिभाषित गरेको राजनीति र वर्तमान अवस्थामा सर्वसाधरणले बुझ्ने गरेको राजनीतिमा आमूल भिन्नता भएको बताउनुभएको हो ।

प्रत्यायोजित व्यवस्थापन तथा सरकारी आश्वासन समितिका सभापति बिडारीले बिष्टले जनताको हितका निम्ति गरिने नीतिको नाम राजनीति भनेर परिभाषित गर्ने गरेको उल्लेख गर्दै पछिल्लो समय ‘छुल्याइँ’ लाई राजनीतिको रुपमा बुझ्ने संस्कृति विकास हुँदै गएको बताउनुभयो ।

उहाँले भन्नुभयो, ‘रुपचन्द्रले राजनीतिको व्याख्या गर्नुभयो । नागरिकको हितका निम्ति गरिने नीतिको नाम राजनीति । अहिले हामीले राजनीति के भन्छौ रे? गाउमा छुल्याइँ र बठ्याइँ गर्यो भने हेर, त्यो रामेले कस्तो राजनीति गरेछ यार । हामी त्यहाँ पुग्यौँ ।’

कार्यक्रममा उहाँले विष्टले व्याख्या गर्ने गान्धीवाद र माक्र्सवादको पनि चर्चा गर्नुभएको थियो ।

अन्तिम अपडेट: माघ १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्