विश्वकपमा ह्याट्रिक लिने यी बलरहरु

असार ८, २०७६ आइतबार १९:४५:१० | उज्यालो सहकर्मी

आईसीसी विश्वकप क्रिकेट अन्तर्गत अफगानिस्तानविरुद्धको खेलमा भारतीय बलर मोहम्मद शामीले ह्याट्रिक लिए ।

भुवनेश्वर कुमार घाइते भएपछि उनको सट्टामा यो विश्वकपमा पहिलो पटक मैदानमा उत्रिएका शामी एकदिवसीय विश्वकपमा १० औं ह्याट्रिक लिने बलर भएका छन् ।

विश्वकपमा ९ बलरले १० पटक ह्याट्रिक लिँदा श्रीलंकाका बलर लसिथ मालिंगाले दुई पटक ह्याट्रिक लिएका छन् । यी हुन् विश्वकपमा ह्याट्रिक लिने बलरहरु–

१. चेतन शर्मा (१९८७)

भारतीय तीव्र गतिका बलर चेतन शर्माले एक दिवसीय विश्वकपको इतिहासमा नै पहिलो पटक ह्याट्रिक लिएका थिए । उनले समूह चरणको खेलमा न्युजिल्याण्डविरुद्ध ह्याट्रिक लिएका थिए । चेतनले न्युजिल्याण्डका केन रथरफोर्ड, इयान स्मिथ र इभिन च्याटफिल्डको विकेट लिएका थिए । जसमा तीन वटै विकेट क्लिन बोल्ड थियो ।

२. सक्लिन मुस्ताक (१९९९)

चेतन शर्माले पहिलो पटक ह्याट्रिक लिएको १२ वर्षपछि पाकिस्तानका सक्लिन मुस्ताकले दोस्रो ह्याट्रिक लिए । उनले जिम्बाबेका हेनरी ओलोंगा, एर्डम युक्ले र पोमी बांग्वाको विकेट लिएका थिए ।

३. चामिन्दा भास (२००३)

श्रीलंकाका चामिन्दा भासले विश्वकपमा तेस्रो ह्याट्रिक लिए । उनले सुरुवाती तीन बलमा नै ह्याट्रिक लिएका हुन् । उनले बंगालादेशका हन्नान सरकार, मोहम्मद असरफुल र इसानुल हकको विकेट लिए ।

४. ब्रेट ली (२००३)

चामिन्दा भासले ह्याट्रिक लिएको ११ दिनपछि नै अष्ट्रेलियकाका तीव्र गतिका बलर ब्रेट लीले केन्याविरुद्ध ह्याट्रिक लिए । उनले केन्याका केन्नेडी ओटिनो, ब्रिजाल पटेल र डेभिड ओवुयाको विकेट लिए ।

५. लसिथ मालिंगा (२००७)

विश्वकपमा दुई पटक ह्याट्रिक लिएका श्रीलंकाका बलर लसिथ मालिंगाले पहिलो पटक सन् २००७ मा दक्षिण अफ्रिकाविरुद्ध ह्याट्रिक लिएका थिए । उनले लगातार चार बलमा चार विकेट लिएका हुन् । उनले शन पलक, एन्ड्रयु हल, ज्याक कालिस र मखाया एन्टिनीको विकेट लिएका हुन् ।

६. केमर रोच (२०११)

सन् २०११ मा नेदरल्याण्ड्सविरुद्धको खेलमा वेस्ट इण्डिजका केमार रोचले छैंठौ ह्याट्रिक पूरा गरे । रोचले पिटर सीलर, बर्नान्ड लुट र बेरेन्ड वेष्टजिकको विकेट लिए ।

७. लसिथ मालिंगा (२०११)

केमार रोचले ह्याट्रिक लिएको भोलिपल्ट श्रीलंकाका लसिथ मालिंगाले विश्वकपमा दोस्रो पटक ह्याट्रिक लिने बलर बने । केन्याविरुद्धको खेलमा मांलिगाले तान्माय मिश्रा, पिटर अनगोन्डो र सेम गोचेको विकेट लिएका हुन् ।

८. स्टेभेन फिन (२०१५)

अष्ट्रेलियाविरुद्धको अन्तिम ओभरमा लगातार तीन बलमा विकेट लिँदै इंग्ल्याण्डका स्टेभेन फिनले ह्याट्रिक पूरा गरे । उनले अष्ट्रेलियाका ब्राड ह्याडिन, ग्लेन म्याक्सवेल र मिचेल जोन्सोनको विकेट लिए ।

९. जेपी डुमिनी (२०१५)

विश्वकपमा नवौं ह्याट्रिक दक्षिण अफ्रिकाका जेपी डुमिनीले लिए । उनले श्रीलंकाका एन्जेलो म्याथ्युज, नुवान कुलसेकरा र थारिन्दु कौशलको विकेट लिए ।

१०. मोहम्मद शामी (२०१९)

भारतीय बलर मोहम्मद शामी जारी विश्वकपमा ह्याट्रिक लिने पहिलो बलर पनि हुन् । उनले अफगानिस्तानका मोहम्मद नाबी, अफताब आलम र मुजिब उर रहमानको विकेट लिएका हुन् ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्