हेटौँडामा ट्यांकर ‘क्यालिब्रेशन’ सञ्चालनमा

असार २०, २०७६ शुक्रबार १८:४४:४३ | हरि हुमागाईं

मकवानपुर - पेट्रोलियम पदार्थमा वर्षौँ अगाडिदेखि हुँदै आएको अनियमितता अन्त्य गर्न ट्यांकर ‘क्यालिब्रेशन’ टावर शुक्रबारदेखि सञ्चालनमा ल्याइएको छ । नेपालमै पहिलोपटक हेटौंडामा नापतौल विभागले पेट्रोलयम पदार्थमा गुणस्तर कायम गर्न ट्यांकर ‘क्यालिब्रेशन’ टावरको निर्माण गरेर सञ्चालनमा ल्याइएको हो ।

ट्यांकर ‘क्यालिब्रेशन’ टावरको शुक्रबार उद्योग, वाणिज्य तथा आपूर्ति मन्त्री मातृका यादवले उद्घाटन गर्नुभयाे ।

कुल एक करोड ५० लाख रुपैयाँ लागतमा तीन वर्ष लगाएर निर्माण गरिएको ट्यांकर ‘क्यालिब्रेशन’ टावर सञ्चालन गरिएको नापतौल विभागका महानिर्देशक विश्वबाबु पुडासैनीले बताउनुभयो ।

यहाँबाट एक दिनमा १५ वटा तेल ट्याङकरको गुणस्तर परीक्षण गरिने जनाइएकाे छ । यसबाट एक वर्षमा एक पटक एउटा ट्याङकरले परीक्षण गराएपछि मात्र सञ्चालन गर्न पाइने उहाँले बताउनुभयो । भारतबाट आएको तेल ट्याङकरलाई परीक्षण गर्नका लागि सहज भएको छ । ट्याङकरमा ‘क्यालिब्रेशन’ गराएपछि मात्र नापतौल विभागले गुणस्तरताको प्रमाणपत्र दिनेछ र त्यसपछि मात्र ट्याङकर तेल ओसार्नका लागि योग्य हुनेछन् ।

याे सञ्चालन भएसँगै तेलमा हुँदै आएको अनियमितताको अन्त्य हुने विश्वास गरिएको छ । पेट्रोलियम पदार्थ बोक्ने ट्यांकरले कम वा धेरै बोक्न मिल्ने वा नमिल्ने अवस्थाका बारेमा यसबाट सजिलै जाँच गराउन सकिने बताइएकाे छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्