मलाई तीन जना सचिवले डुबाए, त्यसैले विषादी परीक्षण राेकियाे : मन्त्री यादव

असार २३, २०७६ सोमबार १६:५१:५९ | उज्यालो सहकर्मी

काठमाण्डौ – उद्योग, वाणिज्य तथा आपूर्ति मन्त्री मात्रिकाप्रसाद यादवले नेपालमा आयात हुने फलफूल तथा तरकारीमा विषादी परीक्षण नगर्ने निर्णय लिनुमा सचिवहरु जिम्मेवार रहेको आरोप लगाउनु भएको छ ।

मन्त्री यादवले सोमबार अपरान्ह पत्रकार सम्मेलन गर्दै सचिवहरुको भर पर्दा आफू विषादी परीक्षण नगर्ने निर्णयका कारण डुबेको पनि बताउनुभयो । प्रधानमन्त्री तथा मन्त्रिपरिषद् कार्यालय, कृषि तथा पशुपन्क्षी विकास मन्त्रालय र आफ्नै मन्त्रालयका तीन जना सचिवहरुले गलत सुझाव दिएका कारण आफू डुबेको मन्त्री यादवको दावी छ ।

यद्दपि मन्त्री यादवले उक्त निर्णयको जिम्मेवारी भने आफूले लिने पनि स्पष्ट पार्नुभयो । उहाँले आफूलाई गुमराहमा राख्ने सचिवहरुलाई ठिक ठाउँमा बस्न पनि सचेत गराउनु भयो ।

मन्त्री यादवले सरकारलाई विवादमा ल्याउने काम सचिवहरुले गर्न नहुने पनि बताउनु भयो । आफूले ती विषयमा अध्ययन नगरी निर्णय लिएर गल्ती गरेको पनि मन्त्री यादवले स्वीकार गर्नुभयो । आफूले हरेक निर्णय राष्ट्रको हितमा गरेको बताउँदै विषादी परीक्षण नगर्ने निर्णय कसैको दबावमा परेर नगरेको पनि पटक पटक दोहोर्‍याउनु भयो ।

पत्रकार सम्मेलनमा बोल्दै उद्योग सचिव यामकुमारी खतिवडाले कृषि तथा पशुपन्क्षी विकास मन्त्रालयका सचिव र प्रधानमन्त्री तथा मन्त्रिपरिषद् कार्यालयका सचिवका कारण उक्त निर्णयमा गल्ती हुन पुगेको स्पष्टीकरण दिनु भएको थियो ।

सरकारले परीक्षणका लागि पूर्वाधार नभएको भन्दै आयातित तरकारी र फलफूलको विषादी परीक्षण गर्ने निर्णय तत्कालका लागि स्थगन गर्ने निर्णय गरेपछि त्यसको चौतर्फी आलोचना भैरहेको छ ।

अन्तिम अपडेट: माघ १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्