मेयरकै अगाडि वडाध्यक्ष कुटिएपछि...

असार २४, २०७६ मंगलबार २०:१५:८ | सिताराम अधिकारी

धादिङ - नीलकण्ठ नगरपालिका–१२ का वडाध्यक्ष ४५ वर्षीय बाबुराम लम्साललाई २ शिक्षकसहित चार जनाले कुटपिट गरी घाइते बनाएका छन् ।

मंगलबार सडक अनुगमनको क्रममा गाउँ पुगेका बेला नीलकण्ठ नगरपालिका–१२, कुँडुलेफाँटमा खानेपानीको विषयमा विवाद हुँदा नीलकण्ठ नगरपालिकाका मेयर भिमप्रसाद ढुंगानाको उपस्थितिमा २ शिक्षक सहितका व्यक्तिहरुले कुटपिट गरेको वडाअध्यक्ष लम्सालले बताउनुभयाे ।

वडाध्यक्षलाई कुटपिट गर्नेहरुमा सांङकोष माविका शिक्षक ५२ वर्षीय युवराज रिजाल, पंडितचौर आधारभूत विद्यालयका शिक्षक ४७ वर्षीय बलराम रिजाल, पूर्व शिक्षक ५५ वर्षीय नानीराम रिजाल र २९ वर्षीय दिपक रिजाल रहेका छन् । आरोपितहरु सबै नीलकण्ठ नगरपालिका-१२ का बासिन्दा हुन् ।

मेयर ढुंगाना र वडाध्यक्ष लम्सालसहितको टोली कुँडुले देउराली बटुवा सडक अनुगमनको क्रममा समुदायसँग छलफल गर्दै गर्दा वडाअध्यक्षलाई कुटिएको थियो ।

कुँडुले क्षेत्रमा १ सय घरलाई खानेपानी ल्याइएको मुहान आफूहरुको परेकोले नदिने अडान राख्दै आएका व्यक्तिहरुले एक्कासि उहाँमाथि आक्रमण गरेका थिए । अनुहार, टाउँकोमा चोट लागेको अवस्थामा नगरप्रमुख ढुंगाना र अन्य केही सहयोगीहरुले वडाध्यक्ष लम्सालको उद्धार गरेकाे र घाइते वडाध्यक्षको जिल्ला अस्पतालमा उपचार भइरहेको जनाइएकाे छ ।

आरोपित चारै जनाविरुद्ध वडाध्यक्ष लम्सालले अभद्र व्यवहार अन्तरगत जिल्ला प्रहरी कार्यालयमा किटानी जाहेरी दिनुभएको छ । जिल्ला प्रहरी कार्यालयका सूचना अधिकारी तथा प्रवक्ता प्रहरी नायब उपरीक्षक रुपक खड्काले घटनाको सम्बन्धमा उजुरी आएको तर दुवै पक्ष छलफलमै भएकोले मुद्दा दर्ता नभइसकेको बताउनुभयाे ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्